Flutti sendiráð Bandaríkjanna frá Tel Aviv til Jerúsalem
Áhrifasamtökin ZOA „Zionist Organisation of America“ hafa það yfirlýsta markmið að bæta samskipti Bandaríkjanna og Ísraels á ýmsan hátt . Eru verðlaun kennd við austurríska baráttumanninn Theodor Herzl sem stofnaði baráttusamtök gyðinga löngu áður en Ísrael varð til.
Í tölvupósti sem sendur var út til meðlima ZOA skrifa samtökin, að þau vilji heiðra Trump fyrir að vera „besti vinur sem Ísrael hefur átt í Hvíta húsinu.“ Milljarðamæringurinn Miriam Adelson mun afhenda verðlaunin við hátíðlega athöfn í New York síðar í nóvember þar sem önnur minna virt zíonistaverðlaun verða einnig veitt.
Donald Trump er talinn óvenju góður vinur Ísraels og síonismams af ýmsum ástæðum – meðal annars flutti hann bandaríska sendiráðið frá Tel Aviv til Jerúsalem, viðurkenndi fullveldi Ísraels yfir Gólanhæðum og stöðvaði fjársendingar Bandaríkjanna til nokkurra hliðhollra palestínskra samtaka og verkefna.
Ennfremur hefur Donald Trump þá sérstöðu að sögn Nya Dagbladet, að vera fyrsti bandaríski leiðtoginn sem heimsækir Vesturmúrinn í Jerúsalem, viðurkennir gyðingabyggðir á Vesturbakkanum sem lögmætar og gefur út forsetatilmæli til verndar gyðingum við nám í Bandaríkjunum.
Donald Trump hefur sjálfur áður haldið því fram, að hann sé „Ísraelsvinsamlegasti Bandaríkjaforseti sögunnar“ og sakað kjósendur demókrata um að vera „mjög ódyggir við Ísrael og gyðinga“ – yfirlýsingar sem vinstri frjálslyndir gyðingaleiðtogar mótmæltu harðlega.
Jafnvel þáverandi forsætisráðherra Ísraels, Benjamin Netanyahu, hefur kallað Trump „besta vin Ísraels í Hvíta húsinu“ og könnun sem gerð var af Pew Research Center árið 2019 sýndi einnig, að Ísrael var eina landið, þar sem meirihluti íbúanna 55 % studdu stefnu Donald Trump.
