Trump forseti talaði á laugardagskvöldið á lýðræðisráðstefnunni „Faith & Freedom Coalition“ í Washington DC. Hann las upp hótanir Hunter Biden til kínversks viðskiptafélaga.
Í fyrri viku komu enn á ný afhjúpandi upplýsingar um spillingu og peningasvindl Biden-feðganna. Gary Shapely, einn uppljóstrari bandaríska skattsins sagði, að Hunter Biden hafði krafist greiðslu frá kínverskum viðskiptafélaga sínum á WhasApp textaboði. Hunter Biden krafðist greiðslu og hótaði Henry Zhao, embættismanni kínverska kommúnistaflokksins og forstöðumanni „Harvest Fund Management.“ Hunter og Joe Biden hótuðu Henry Zhao að hann skyldi fá það verra ef hann greiddi ekki peninga á stundinni.
Joe Biden er langspilltasti forsetinn í sögu Bandaríkjanna
Trump sagði:
„Joe Biden er langspilltasti forseti í sögu lands okkar. Fyrir aðeins tveimur dögum síðan upplýsti mjög virtur uppljóstrari ríkisskattstjóra, að svikahrappurinn Joe var í herberginu á meðan sonur hans, Hunter, sendi skilaboð til embættismanns kínverska kommúnistaflokksins.“
Fengu 5,1 milljónir dollara frá Kína án neinnar ástæðu
Trump las upp texta Hunter Biden:
„Ég sit hér með föður mínum og við viljum skilja hvers vegna skuldbindingin sem gefin var hefur ekki verið uppfyllt. Segðu forstjóranum, að ég vil leysa þetta núna áður en það fer úr böndunum og það þýðir núna í kvöld. Ef ég fæ símtal eða sms frá einhverjum sem tekur þátt í þessu öðrum en þér Zhang eða stjórnarformanninum, þá mun ég ganga úr skugga um að á milli mannsins sem situr við hliðina á mér og allra þeirra sem hann þekkir ásamt getu minni til að valda gremju að eilífu, þá munt þú sjá eftir því að fara ekki eftir leiðbeiningum mínum. Ég sit hér ásamt föður mínum og bíð eftir símtalinu.“
Dagblöðin þegja yfir hneykslinu
Trump bætti við:
„Getið þið ímyndað ykkur að dagblöðin segi ekki frá þessu? Ekki orð um þetta í neinu þeirra! Innan tíu daga fengu Biden-feðgarnir 5,1 milljón dollara frá Kína án neinnar sérstakrar ástæðu.“
