Stjórnmálaandstæðingar Donald Trumps virðast gengnir af göflunum. Maðurinn stendur uppréttur eftir hverja lygaárásina á fætur annarri, jafnvel leit vopnaðra FBI manna heima hjá sér. Núna freistar Soros keyptur lögfræðingur New York borgar gæfunnar og ætlar að handtaka leiðtoga repúblikanaflokksins og fyrrverandi Bandaríkjaforseta vegna klámstjörnunnar Stormy Daniels í næstu viku.
Trump forseti tilkynnti á samfélagsmiðli sínum, Truth Social, fyrr í dag, laugardag, að hann yrði handtekinn á þriðjudag í næstu viku. Trump hvatti til mótmæla. Fjölmargir lekar hafa greint frá því, að Trump verði ákærður í næstu viku í New York borg í Stormy Daniels málinu, þar sem hann er sakaður um að greiða Daniels fyrir trúnaðarsátt fyrir kosningarnar 2016 og hafi þannig keypt þögn hennar vegna ákæru hennar um framhjáhald. Trump sendi frá sér tvær tilkynningar á Truth Social:
„ÞJÓÐ OKKAR ER ORÐIN ÞRIÐJA HEIMS OG DEYJANDI. BANDARÍSKI DRAUMURINN ER DÁINN! RÓTTÆKIR VINSTRI-ANARKISTAR HAFA STOLiÐ FORSETAKOSNUM OKKAR OG ÞAR MEÐ HJARTA VORS LANDS. BANDARÍSKIR FÖÐURLANDSVINIR ERU HANDTEKNIR OG HALDIÐ INNILOKUÐUM EINS OG DÝRUM, Á MEÐAN GLÆPAMÖNNUM OG VINSTRI SKEMMDARVÖRGUM ER LEYFT AÐ FARA UM GÖTURNAR OG MYRÐA OG BRENNA ÁN REFSINGA. MILLJÓNIR MANNS FLÆÐA Í GEGNUM OPIN LANDAMÆRI OKKAR, MARGIR FRÁ FANGELSUM OG GEÐSJÚKRAHÚSUM. GLÆPIR OG VERÐBÓLGA ERU AÐ EYÐILEGGJA LÍFSHÆTTI OKKAR….“
„SAMKVÆMT ÓLÖGLEGUM LEKA FRÁ SPILLTRI OG MJÖG PÓLITÍSKRI SKRIFSTOFU HÉRAÐSLÖGMANNS MANHATTAN, SEM HEFUR SETT NÝ MET Í OFBELDISGLÆPUM OG ER FJÁRMAGNAÐUR AF GEORGE SOROS, ER GEFIÐ TIL KYNNA ÁN ÞESS AÐ NOKKUR GLÆPUR HAFI SANNAST, OG GRUNDVALLAÐ Á GÖMLUM OG AÐ FULLU AFSÖNNUÐUM HUGARBURÐI (AF MÖRGUM ÖÐRUM SAKSÓKNURUM!), AÐ LEIÐANDI FRAMBJÓÐANDI REPÚBLIKANA OG FYRRVERANDI FORSETI BANDARÍKJANNA VERÐI HANDTEKINN Á ÞRIÐJUDAGINN Í NÆSTU VIKU. MÓTMÆLUM, TÖKUM ÞJÓÐ OKKAR AFTUR TIL BAKA!“
CNBC greindi frá því, að Trump dvelji núna á Mar-a-Lago heimili sínu í Palm Beach, Flórída og hafi 24 tíma vernd bandarískra leyniþjónustumanna alla daga. Samkvæmt lögum í Flórída er ríkisstjórinn ábyrgur fyrir því að láta handtaka einstakling í ríkinu og afhenda til annars ríkis ef viðkomandi er ákærður fyrir glæpi. Lögin í Flórída veita ríkisstjóranum einnig vald til að kalla eftir frekari rannsókn áður en sakborningur er framseldur ef hann neitar að verða við framsalinu. Fox News greindi frá því á föstudag, að viðræður séu í gangi um að handtaka Trump og hvort eigi að handjárna hann og taka fingraför af honum.
