Boris Johnson, fyrrverandi forsætisráðherra Bretlands, reynir að koma þriðju heimsstyrjöldinni af stað í gegnum stríðsátökin í Úkraínu. Þetta fullyrðir Tucker Carlson hjá Fox News. Tucker Carlson bauð Johnson, sem er í heimsókn í Washington, í sjónvarpsþáttinn sinn til að ræða þetta mjög svo mikilvæga efni. Boris Johnson samþykkti upphaflega, en skipti síðan um skoðun, segir Tucker.
Tucker Carlson Fox News sakaði Boris Johnson, fyrrverandi forsætisráðherra Bretlands, um að vera of huglaus til að koma fram í sjónvarpsþætti sínum og svara spurningum um afstöðu sína til stækkandi Úkraínustríðs.
En deilan hófst reyndar nokkrum klukkustundum áður, þegar Boris Johnson tók þátt í pallborðsumræðum hjá „Atlantshafsráðinu“ (Atlantic Council) sem er nýíhaldssöm hugveita Nató í Bandaríkjunum. Þar sagði Johnson:
„Ég er hissa og skelfingu lostin yfir því hversu margir eru hræddir við náunga að nafni Tucker Carlson. Hefur einhver heyrt um Tucker Carlson? Hvað er að þessum náunga? Allir þessir yndislegu repúblikanar virðast hræddir við sjónarmið hans.“
„Gleymdi“ að hann neitaði að mæta í þátt Tucker Carlson
Johnson gleymdi að nefna, að hann sjálfur er einn af þeim sem eru hræddir við Tucker Carlson. Tucker hafði bara nokkrum klukkustundum áður boðið Boris Johnson í viðtal í þætti sínum. Johnson sagðist ætla að koma en er sagður hafa skipt um skoðun. Tucker Carlson útskýrir:
„Við höfðum boðið Boris Johnson nokkrum klukkustundum áður en hann sagði þetta. Þetta er merkilegt – og ótrúlega óheiðarlegt. Við vissum að Johnson sjálfur var skræfa. Við sáum í Covid, hvernig hann breyttist í dauðhrædda gamla konu en við höfðum ekki hugmynd um, að hann væri líka lygari. Við hefðum átt að vita það.“
Hræddur að svara spurningum um stríðið
„Boris Johnson er frægur, orðheppinn maður. Hann er þess konar manneskja sem getur munað eftir og vitnað í Aeschylus (forngrískan leikritahöfund) yfir glasi og samt fengið þig til að hlæja. Þannig að okkur fannst hann fullkominn. Ef það er til ein manneskja á jörðinni sem getur útskýrt hvernig stríð milli kjarnorkuvopnaðra vesturvelda gæti gagnast öllum nema Kína, þá er það Boris Johnson. Johnson sagðist hafa áhuga á að koma (í viðtal) en svo, nokkrum klukkustundum fyrir útsendingartíma, hringdi blaðafulltrúi hans og sagði hann ekki koma. Þetta þýðir, að Boris Johnson, þekktur fyrir að vera snjallasti leiðtogi allra enskumælandi landa í heiminum, vill ekki verja opinberlega afstöðu sína til Úkraínu. Hann var hræddur við að svara spurningum.“
Aðgerðir Vesturlanda í Úkraínustríðinu eru „hreint brjálæði“
Að sögn Carlsons er meðhöndlun Vesturlanda á Úkraínustríðinu „hreint brjálæði.“ Carlson bendir á:
„Milljónir myndu deyja í stríðinu sem Boris Johnson stuðlar að. Almenningur á rétt á að vita: hvers vegna erum við að þessu?…Það er enginn stuðningur í þessu landi, hvað þá í nokkru landi í Evrópu, fyrir því sem Boris Johnson er að reka á eftir núna. Yfirgnæfandi meirihluti fólks skilur, að þriðja heimsstyrjöldin þýðir eyðileggingu Vesturlanda. Fólk vill það ekki. Af hverju ætti fólk að vilja það? Það býr hér. Einungis kínverska ríkisstjórnin vill það.“
Sjáðu allan þátt Tucker Carlson á myndbandinu hér að neðan:
