„Árásin á þingið“ í janúar 2021 gekk ekki alveg eins fyrir sig og meginmiðlar og demókratar hafa haldið fram. Þetta kemur fram í frétt Tucker Carlson hjá Fox News, sem var afhent mikið myndefni frá 6. janúar. Uppljóstranir hans og birting áður óbirts myndefnis hefur skapað „paník“ og „hræðslu“ fjölmiðla og elítunnar, þar sem „lygar“ þeirra eru afhjúpaðar. „Myndböndin ógna lygunum“ segir Tucker Carlson.
Það stormar í bandarískum stjórnmálum og fjölmiðlum – enn á ný. Í þetta sinn eftir að Tucker Carlson hjá Fox News fékk afhent þúsundir klukkustunda af myndefni frá „innrásinni á þingið“ árið 2021. Um er að ræða gífurlegt magn af myndbandsefni, þúsundir klukkustunda frá eftirlitsmyndavélum þingsins. Þegar ritstjórar hans fóru í gegnum efnið tóku þeir eftir því, að sú mynd sem dregin hefur verið upp í fjölmiðlum að um tilraun til valdaráns hafi verið að ræða, er engan veginn rétt.
Líktist meira skoðun forvitinna ferðamanna en tilraun til valdaráns
Fréttir hafa verið vinklaðar á grófan og meðvitan hátt, að sögn Tucker. Rannsóknarnefndin laug því sem þeir sáu sjálfir á myndunum, fullyrðir hann. Þó að það hafi verið einhverjir ofbeldismenn voru flestir þeirra sem fóru inn í þinghúsið friðsamir. Í heild sinni virðist „valdaránstilraunin“ hafa verið meira í stíl við skoðunarferð forvitinna ferðamanna. Meðal annars má sjá, hvernig Jake Chansley, hinn alræmdi „The QAnon Shaman“ gengur rólegur um inni í byggingunni undir leiðsögn lögreglumanna. Tucker telur einnig að öryggisvörður þingsins hafi myrt Ashli Babbitt, konuna sem var skotin til bana í þinghúsinu. Myndbönd eru af atburðinum, þegar hún var skotin til bana (sjá hér að neðan). Tucker Carlson sagði:
„Af efninu sem við höfum, virðist ljóst að Babbitt var myrt. Hún var óvopnuð, lægri og minni en almennt og engum stafaði ógn af henni.“
Elítan froðufellir af illsku eftir umfjöllun Fox News
Chuck Schumer, öldungadeildarþingmaður demókrata sagði:
„Rupert Murdoch (eigandi Fox News/GS) ber sérstaka skyldu til að koma í veg fyrir, að Tucker Carlson haldi áfram í kvöld. Núna eftir að hafa séð hvernig hann hefur umturnað sannleikanum er ekki hægt að leyfa honum að halda áfram aftur og aftur og aftur. Ekki vegna þess að skoðanir þeirra eiga það skilið, heldur vegna þess að það er afgerandi fyrir lýðræðið okkar.“
Mitch McConnell, öldungadeildarþingmaður repúblikana tókí sama streng og sagði:
„Það voru mistök að mínu mati af Fox News að sýna 6. janúar á þann hátt sem Tucker Carlson gerði.“
Þetta er særður hundur sem geltir
Tucker Carlson hlær hins vegar að gagnrýni djúpríkisins og kallar viðbrögðin „paník“ og „hræðslu.“
„Leiðtogar Demókrataflokksins og bandamenn þeirra í fjölmiðlum höfðu algjöran einokun á því sem fréttist um það sem raunverulega gerðist í þinghúsinu þann 6. janúar. Þeir vörðu þessa einokun harðlega eins og einokunaraðilar gera venjulega. Þannig að um leið og við rufum einokunina með því að fá aðgang að myndböndunum, þá urðu aðrir fjölmiðlar algjörlega brjálaðir.“
Tucker Carlson svarar viðbrögðum elítunnar með orðunum „Við erum bæði Sovétríkin og nasistar“ og hlær dátt.
„Það sem við heyrum er auðvitað paník, þetta er hræðsla, það er særður hundur sem geltir. En það er samt frekar gaman, bendir hann á.“
Meira um málið má sjá á myndböndum og tístum hér að neðan:
