Ungverska ríkisstjórnin hefur innleitt nýjar strangar reglur til að vara neytendur við skordýrafóðri ESB –glóbalistanna. István Nagy, landbúnaðarráðherra Ungverjalands, varar við skordýrapróteini í matvælum.
Ungverska dagblaðið Origo greinir frá: Í Ungverjalandi eru því strangari reglur um matvæli sem innihalda skýrdýraprótein en önnur matmæli og verður að merkja matvæli sem innihalda skordýraprótein með orðunum „Viðvörun! Maturinn inniheldur skordýraprótein!“ útskýrir Nagy á Facebook.
Vilja vernda neytendur
Vörur sem innihalda skordýraprótein verða að vera greinilega aðgreindar og aðskildar í hillum verslana. István Nagy segir:
„Stjórnvöld vilja vernda ungverska neytendur gagnvart matvælum sem innihalda skordýraprótein, sem Brussel hefur samþykkt, með sterkum vörumerkingum og með því að halda þeim aðskildum (frá öðrum matarvörum). Framkvæmdastjórn Evrópusambandsins er að setja matargerðarhefðir okkar og matarvenjur í hættu.“
Segja pödduát betra fyrir loftslagið
Globalistar vilja að fólk borði skordýr vegna þess að það sé betra fyrir „loftslagið.“ Í Svíþjóð hefur skordýrafóðrið verið markaðssett meðal annars af sænska sjónvarpinu SVT. Samkvæmt SVT mun nýárssúpa framtíðarinnar samanstanda af skordýrum og þörungum. S.l. janúar mátti lesa eftirfarandi á heimasíðu sjónvarpsins:
„Halda verður upp á Gamlárskvöld árið 2050 á mun snjallari hátt en í dag, ef við ætlum að standa við það sem við lofuðum í Parísarsamkomulaginu.“
Styðjum bændur og borðum steikina áfram
Samkvæmt gagnrýnendum er „loftslagskreppan“ blekking glóbalista, sem snýst í raun aðeins um að snúa heiminum á hvolf í nýkommúníska mynd og svipta fólki frelsinu og eignum. Lagaheimspekingurinn Eva Vlaardingerbroek tísti:
„Tilraunirnar til að láta okkur borða skordýr eru ekkert annað en fylgnipróf. Þetta er leið til að niðurlægja og brjóta okkur niður. Þeir eru einfaldlega að reyna að finna út hversu langt þeir geta gengið. Vertu því alfarið á móti, hlýddu bara pínulítið, borðaðu steikina þína og styddu við bændur.“
