Dr. Harvey Risch er einn helsti sérfræðingur heims í útbreiðslu faraldssjúkdóma. Hann varar við því, að útbreiðsla „túrbókrabbameins“ sé af völdum mRNA efna, sem gæti leitt til dauða mikils fjölda manna (sjá myndskeið að neðan).
Dr. Harvey Risch er prófessor emeritus í faraldsfræði við Yale háskólann. Hann sérhæfir sig á sviði krabbameins, orsökum, forvörnum, greiningum og faraldsfræðilegum aðferðum. Prófessorinn fékk 3,65 milljón dollara styrk frá Heilbrigðisstofnuninni „National Institute of Health“ fyrir fimm ára rannsóknir á orsökum briskrabbameinstilfella í Connecticut. Eftir að hafa uppgötvað ógnvekjandi aukningu á svokölluðu „túrbókrabbameini“ þá varar Risch almenning við þeirri fólksfækkun sem þróast fyrir framan augum okkar.
mRNA skaðar ónæmiskerfið
Slaynews.com greinir frá: Samkvæmt Risch og öðrum leiðandi krabbameinssérfræðingum hefur tilfellum af þessu nýja fyrirbæri fjölgað hratt undanfarin tvö ár. Risch útskýrði í nýlegu viðtali við Epoch Times:
„Þessi krabbamein, sem líkaminn myndi venjulega halda í skefjum, vex óvænt mjög hratt. Við vitum að Covid bóluefnin hafa valdið mismiklum skaða á ónæmiskerfinu hjá hluta fólks sem hefur tekið þau. Sá skaði gæti verið allt frá því að fá Covid oftar, fá aðra smitsjúkdóma og jafnvel líka krabbamein til lengri tíma litið.“
Margir læknar hringja viðvörunarbjöllum
Risch er ekki eini læknirinn sem lýsir áhyggjum sínum varðandi mRNA. Margir leiðandi læknar, þar á meðal hinn frægi meinafræðingur, Ryan Cole, hafa hringt viðvörunarbjöllum um „túrbókrabbamein.“ Dr. Cole varaði áður við þessu í viðtali við Heilsuvernd barna (sjá myndskeið að neðan).
„Vegna skaðlegra áhrifa á ónæmissvörunina og að ónæmiskerfið er bælt með þessum erfðafræðilegu sprautum … krabbamein, sem líkaminn myndi vanalega halda í skefjum, stækkar óvænt mjög hratt.“
Það versta á eftir að koma
Risch varar við því, að það versta gæti enn átt eftir að koma,
„Hugmyndin um að ný vara eins og Covid-bóluefnin gæti valdið krabbameini er ekki eitthvað sem er hægt að sjá á einni nóttu. Það tekur langan tíma þar til að krabbamein geri vart við sig sem sjúkdóm. Tíminn frá því að fyrstu frumurnar verða nógu stórar til að greinast eða sýna einkenni, getur tekið allt frá tvö til þrjú ár fyrir blóðkrabbamein eins og hvítblæði og eitilfrumukrabbamein; 5 ár fyrir lungnakrabbamein, 20 ár fyrir þvagblöðrukrabbamein, 30-35 ár fyrir ristilkrabbamein og svo framvegis.“
„Þannig að þetta spannar yfir lengri tíma. Þegar nýjar afurðir eru allt í einu kynntar eins og þessi bóluefni, þá má búist við því, að það fyrsta sem sjáist eru blóðkrabbameinin sem ég nefndi en ekki aðrar tegundir krabbameina.“
„Svarti svanurinn“
Hækkun á blóðtengdum kvillum birtast þegar í opinberum gögnum stjórnvalda. Gagnafræðingur Edward Dowd varpaði ljósi á árlegar lífeyrisgreiðslur í Bretlandi fyrr á þessu ári (sjá myndskeið að neðan). Greining Dowd skoðar mismunandi mælikvarða fyrir 2020, 2021 og 2022. Hinn virti gagnasérfræðingur fann að greiðslukröfur vegna blóðtengdra sjúkdóma hækkuðu 522% árið 2022. Allt eru samt ekki blóðtengdir sjúkdómar sem eru að aukast. Krabbamein sem venjulega tekur tíu, tuttugu eða þrjátíu ár að þróast, kemur hratt fram í sjúklingum.
Risch fullyrðir að Covid-sprautan valdi því að ónæmiskerfi líkamans „gefur eftir.“ Hann segir að fræðilega sé verið að flýta fyrir krabbameini með ónæmisbælandi MRNA sprautum. Krabbamein sem áður tók mörg ár að þróast gera það núna með auknum hraða til lengri tíma litið, segir Risch. Við sjáum þetta nú þegar gerast hjá ungu fólki. Sífellt berast fregnir af því, að fólk á besta aldri þjáist skyndilega af krabbameini á áður óþekktum hraða. Sem dæmi má nefna, að 26 ára YouTuber Colby Brock deildi eistakrabbameinsgreiningu sinni með fylgjendum sínum 9. júlí 2023.
