Donald Trump forsetaframbjóðandi og fyrrum forseti Bandaríkjanna hélt einkafund með Ron DeSantis, ríkisstjóra Flórída, í Miami á sunnudag.
Á fundinum sem stóð yfir í nokkrar klukkustundir samþykkti DeSantis að aðstoða Trump við fjáröflun.
Í forvali forsetakosninganna var DeSantis með yfir 120 milljónir dala í kosningasjóði á einum tímapunkti, en eftir slaka frammistöðu í Iowa-ríki dró DeSantis sig úr forvalinu.
Steve Witkoff, sem er þekktur fasteignasali í Flórída og stuðningsmaður bæði Trump og DeSantis, skipulagði fundinn.
Fundurinn hefur endurvakið orðróm um að Trump gæti ákveðið að velja DeSantis sem varaforsetaefni.
