Við nánari skoðun á því sem oft er lýst sem stöðugri og öruggri tekjulind kemur upp myndin af enn einni grænni bólu, þar sem fjárfestingar undanfarinna ára hafa ekki skilað neinum sérlegum hagnaði – Hversu slæm er þessi þróun eiginlega?
Greining á heildardæmi vindorkunnar sýnir, að vindorkan er græn bóla sem er að þróast í botnlaust svarthol, þar sem vindorkan stendur ekki undir sínum raunverulega kostnaði. Það er niðurstaðan í úttekt þríeykisins Christian Sandström, lektors í alþjóðaviðskiptaháskóla Jönköping, Madeleine Staaf, stofnanda Vindorkuupplýsinga og Christian Steinbeck, bráðabirgðafjármálaráðgjafa, í grein þeirra í Kvartal.
Ríkið styrkir mjög byggingu vindorkuvera með raforkuvottorðum og undanþágu frá ábyrgð vegna umhverfisáhrifa. Ef rýnt er í ársskýrslur vindorkuveranna er útlitið allt annað en bjart og óskhyggjan allsráðandi varðandi umhverfismál. Greinarhöfundar gerðu yfirlit yfir arðsemi fjárfestinga í öllum þeim vindmyllugörðum, sem reistir voru í Svíþjóð á árunum 2017-2020. Útkoman er sláandi: Þegar best lætur er tapið 8,5% á ársgrundvelli allt niður í 25,2% samanber graf að neðan.
Ósjálfbærar tölur
Arðsemin er mjög slæm með árlegri neikvæðri ávöxtun á fjárfestum eigenda – ósjálfbærar tölur fyrir atvinnugreinina og óhaldbærar í öðrum greinum atvinnulífsins. Engin atvinnugrein getur lifað af til lengri tíma með slík arðsemisvandamál að sögn greinarhöfunda. Margar fjárfestinganna byggjast á því, að ríkið haldi áfram að greiða 15-25% af tekjunum, sem skapar hið fullkomna botnlausa svarthol fyrir skattgreiðendur.
Eitrar umhverfið
Annað vandamál eru snúningsblöð vindmyllnanna sem slitna hratt og enginn veit hvað í þeim er, þar sem nákvæm efnissamsetning blaðanna er vernduð með einkaleyfum. Varað hefur verið við því að snúningsblöðin dreifi bisfenólum sem hafa neikvæð áhrif á menn, dýr og plöntur. Eins og er er þeim staflað í hauga, því ekki er hægt að endurvinna efnið, þegar blöðin hafa skilað sínu starfi.Aðrar rannsóknir sýna, að bygging vindorkuvera hefur neikvæð áhrif á fasteignaverð á svæðinu. Mikill hluti uppsettrar afkastagetu er fenginn með aðstoð erlendra fjárfesta og þar er kínverska ríkið stór aðili.
Ríkið ætti að skipa óháða slysanefnd til að rannsaka raunverulegan kostnað vindorkunnar
Á tímabilinu 2017–2021 fjárfesti Svíþjóð að minnsta kosti 40 milljörðum sænskra króna í vindorku, sem var innviðafjárfesting af sögulegri stærð. Í stað þess að ryðja brautina fyrir fleiri vindmyllugörðum ætti ríkisstjórnin að skipa óháða slysanefnd til að rannsaka raunverulegan kostnað vindorku fyrir sænskt umhverfi og sænskt efnahagslíf segja greinarhöfundar að lokum.
