Rétttrúnaðarríkið á hættulegri braut með lögreglu- og réttarfarsofsóknum á andstæðinga ríkisstjórnarinnar
Æðstuprestar demókrata, sem mætti halda að hefðu tekið Jóhönnu Sigurðardóttur og Steingrím J. sér til fyrirmyndar í pólitískum ofsóknum á stjórnmálaandstæðinga sína, hafa ákveðið að „dæma“ Steve Bannon til 4 mánaða fangelsis og 6 500 dollara fjársekt fyrir að hafa neitað að mæta við yfirheyrslur hjá pólitískt skipaðri nefnd með 7 demókrötum og tveimur Trumphatandi repúblikönum (sem hafa verið sviptur öllum embættum Repúblikanaflokksins). Þessi nefnd er enginn dómstóll en tekur sér samt þau fríðindi að senda menn í steininn fyrir að „móðga“ þingið og hæstvirta nefndarmenn bæði með því að mæta ekki á boðaðan fund og einnig með því að grínast með nefndarmenn.
Til dæmis kallaði Bannon formann nefndarinnar Bennie Thompson „heigul“ og sagði að nefndin setti upp „sýndarréttarhöld.“ Bannon notar óspart sitt eigið hlaðvarp „War room“ til að tjá stjórnmálaskoðanir sínar sem er mikill nagli í augum nefndarmanna. Steve Bannon var ekki á staðnum 6. janúar og því ekki hægt að fella hann fyrir að leiða áhlaupið á þinghúsið. 6. jan. nefndin getur bara búið til stærri sameiginlegt vindhögg en hver einstakur nefndarmaður lætur venjulega frá sér, þótt í umtalsverðum og loftmengandi mæli sé. Nefndarmenn segjast yfir sig óttaslegna yfir ummælum Bannons 5. janúar um að „allt fer til fjandans á morgun“ og telja þau ummæli vera „sönnun“ þess að Bannon skipulagði árásina á þinghúsið og að hann sé því í raun „landráðamaður.“
Steve Bannon virðist sallarólegur yfir þessari móðursýkisnefnd sem lætur það viðgangast að stjórnarskrárbundin mannréttindi einstaklinga séu fótum troðin með fjölda fangelsaðra sem enn hafa ekki fengið mál sín reynd fyrir dómstól. Bannon var í viðtali hjá Tucker Carlson nýverið og ræddi þessi mál og vonast eftir, að Repúblikanar vinni milliþingskosningarnar með góðum yfirburðum þannig að hægt verði að skipa óháða nefnd – ekki pólitíska, til að rannsaka 6. janúar áhlaupið. Bannon mun áfrýja niðurstöðu nefndarinnar af skiljanlegum ástæðum enda pólitískar ofsóknir Biden stjórnarinnar sem notar bæði dómsmálaráðuneytið, Skattinn og FBI til að elta upp, hræða og gera heiðarlegu, frelsiselskandi fólki, sem gagnrýnir stjórnvöld, lífið leitt í Bandaríkjunum.
Hlýða má á viðtal Tucker Carlson við Steve Bannon á myndbandinu hér að neðan.
