WHO segist hafa miklar áhyggjur af því, hversu fáir halda áfram að taka svokölluð Covid bóluefni. „Taktu aukaskammtinn ef mælt er með honum!“ skipar Tedros Adhanom Ghebreyesus, framkvæmdastjóri WHO.
Alþjóðaheilbrigðismálastofnunin, WHO, sem samkvæmt sívaxandi hópi gagnrýnenda er verkfæri fyrir auðjöfra til að ná stjórn á heilbrigðiskerfum landa heims, heldur áfram að vara við Covid-19 sjúkdómnum. Vorið 2020 var dánartíðni af völdum sjúkdómsins einungis á 0,1% fyrir fólk undir 70 ára svo varla er hægt að segja, að um heimsfaraldur sé að ræða, þótt WHO geri allt til að fylla kassa eigenda sinna með sölu „bóluefna“ út um allan heim.
Sér fyrir „óheillavænlega Covid-þróun á norðurhveli jarðar“
Tedros Adhanom Ghebreyesus, framkvæmdastjóri WHO, sagði á miðvikudag (sjá myndskeið að neðan):
„Fjölgun sjúkrahúsinnlagna og dauðsfalla sýnir, að Covid verður hér áfram og að við munum þurfa tæki til að berjast áfram gegn sjúkdómnum. Við sjáum áfram óheillavænlega þróun fyrir Covid-19 fyrir veturinn á norðurhveli jarðar. Dauðsföllum fjölgar sums staðar í Miðausturlöndum og Asíu, innlögnum á gjörgæslu fer fjölgandi í Evrópu og sömuleiðis innlögnum á sjúkrahús á ýmsum svæðum.“
Færri en 25% aðildarríkja WHO tilkynna um Covid til WHO
Að sögn yfirmanns WHO eru gögnin takmörkuð, þar sem aðeins 43 lönd – sem er innan við fjórðungur aðildarríkja WHO – tilkynna um dauðsföll til WHO og aðeins 20 lönd veita gögn um innlagnir sjúklinga á sjúkrahúsin. Ekkert eitt vírusafbrigði af Covid er ríkjandi. Covid afbrigðið BA.2.86, sem fjölmiðlar hafa blásið út, hefur aðeins greinst í ellefu löndum. Tedros Adhanom Ghebreyesus segir:
„WHO fylgist náið með þessu afbrigði til að meta smithættu þess og hugsanleg áhrif. Eitt af stærstu áhyggjum WHO er hversu fáir einstaklingar í áhættuhópum hafa nýlega fengið sinn skammt af Covid-19 bóluefninu. Skilaboð okkar er að fólk bíði ekki með aukaskammtinn, þegar mælt er með honum.“
Vaxandi hreyfing fyrir úrsögn Svíþjóðar úr WHO
Í Svíþjóð kallar hópur lækna, lögfræðinga og vísindamanna eftir því, að Svíþjóð segi sig úr WHO. Margir gagnrýna nýjustu skilaboð WHO á samfélagsmiðlum. Líftæknifræðingur skrifar á X:
„Við höldum áfram að sjá áhyggjufulla þróun forræðishyggju. Það sem veldur okkur mestum áhyggjum er lítil meðvitund fólks sem hefur ekki getað þekkt merki.“
