Á fundi World Ecconomic Forum sem fram fór á dögunum kom ýmislegt fróðlegt fram sem veitir innsýn inn í hvernig WEF klíkan hugsar og ætlar sér að reyna að stjórna neyslumynstri og hegðun mannkynsins.
Fyrir utan að ætla sér að ráða því hversu margir jarðarbúar mega vera, hvert hitastigið á jörðinni á að vera, hverjir megi eiga eignir ætlar hinn vafasami félagsskapur glóbalista að reyna að glæpavæða sjávarútveg og landbúnað.
Hætta á hungursneyð og efnahagshruni á heimsvísu
Í Oregonríki í Bandaríkjunum er þegar hafin undirbúningur að þeim möguleika að glæpavæða landbúnað og fiskveiðar. Þar er reyndar gert ráð fyrir að fólk muni geta kosið um fyrirhugað bann samhliða forsetakosningum í Bandaríkjunum þann 5.nóvember næstkomandi. Talsverðar áhyggjur eru af því hvaða fordæmi málið setur því ef kosið yrði til að mynda um slíkt bann innan Evrópusambandsins og það samþykkt myndi það eðli málsins samkvæmt hafa gífurleg áhrif á þau lönd sem treysta á fiskveiðar og landbúnað sem sína aðal tekjulind. Þar með getur slíkt bann fyrir utan hættu á hungursneyð haft miklar efnahagslegar afleiðingar sem gætu svo valdið dóminóáhrifum. Þau áhrif gætu svo valdið efnahagshruni á heimsvísu.
Samkvæmt fyrirhugðu banni í Oregon má þannig ekki aflífa dýr hvort sem þau eru villt eða eldisdýr. Það þýðir að ekki megi veiða dýr hvort sem um fisk eða önnur dýr að ræða. Ekki megi stunda landbúnað með dýr sem ætluð eru til kjötframleiðslu þar sem í því felst að aflífa þurfi dýrin eðli málsins samkvæmt. Þá verði bannað að notast við dýr til rannsókna sem gæti haft áhrif á velferð þeirra.
Sjúkdómar og plágur myndu breiðast út
Það er mjög hætt við að eitt ákvæði bannsins gæti orðið til þess að plágur og sjúkdómar gætu breiðst úr því ekki mætti leggja stund á eyðingu meindýra. Það þýðir að ekki mætti farga til dæmis rottum sem þekkt er að geti borið með sér svarta dauða og aðra hættulega sjúkdóma. Einnig mætti ekki grípa til aðgerða gagnvart öðrum plágum eins og engisprettum sem nú þegar valda miklum skaða á ökrum kornbænda.
