World Ecconomic Forum er vettvangur þar sem innrætingarstarfsemi er stunduð og þar er komið á framfæri ákveðinni stefnu sem svo er plantað inn í stjórnmál ríkja. Þetta var meðal þess sem fram kom í máli Leifs Árnasonar flugstjóra í þættinum Heimsmálin, fréttir og fréttatengt efni af erlendum vettvangi í dag en hann var gestur Arnþrúðar Karlsdóttur og Péturs Gunnlaugssonar.
Leifur bendir á að Klaus Schwab einn æðsti maður WEF sé fyrst og fremst áhrifavaldur sem hafi það hlutverk að þjálfa unga leiðtoga sem eru síðan í forsvari ríkja víða um heim. Meðal þeirra leiðtoga er Katrín Jakobsdóttir forsætisráðherra og segir Leifur að til dæmis megi sjá áhrif WEF í málflutningi og stefnu Katrínar til dæmis hvað varðar málefni kvenna sem einmitt eru WEF talsvert hugleikin.
Þá eru fleiri áhrifamiklir Íslendingar þarna innan vébanda WEF sem og lítt þekktari einstaklingar og nefnir Leifur meðal annara Gylfa Zoega sem fjallar um hagfræði, Halla Hrund Logadóttir sem lætur til sín taka í umhverfis og orkumálum á Norðurslóðum, Ásdís Kristjánsdóttir sem ræðir þar um viðskipti og fleiri.
Það hefur lengi verið rætt um sérkennilegan áhuga eins hugmyndasmiða hans, Yuval Noah Harari að vilja fækka mannkyninu og hefur hann meðal annars látið óhugguleg ummæli falla eins og að hann telji ákveðna prósentu mannkyns vera svokallaða useless eaters sem útleggja mætti sem nokkurs konar sníkjudýr. Það vakti því talsverða athygli þegar Klaus sagði í ræðu sinni á fundi G20 ríkja að á næstunni myndu verða breytingar hér á jörðinni.
Sé það sett í samhengi við bók Klaus sem nefnist The great narrative for better future dylst sennilega fáum að hann sé í raun að tala um endurræsinguna miklu sem byggir á hugmyndafræði stjórnkerfisins í Kína, sem sé er hugmyndafræðin Kommúnísk. Það kemur einnig heim og saman við það sem kom fram í ræðu Klaus því þar hvatti hann meðal annars til þess að stjórnmálamenn og stórfyrirtæki tækju upp meiri samvinnu.
Leifur segir að breytingarnar megi þegar greina því í raun sé verið að snúa öllu á hvolf og það sem áður var talið gott þyki núna vera slæmt. Dragdrottningar sjáist í skólum og bókasöfnum, verð á matvæælum hækkar upp úr öllu valdi á sama tíma og verið sé að takmarka möguleika bænda á að framleiða matvæli og einnig sé verið að vinna að niðurskurði í sjávarútvegi. Þá sé verið að ýta olíu og gasi út af markaðnum og reynt að koma þar vindmyllunum inn. Þá séu það sprautuherferðirnar sem orðið hafa til þess að fólki hafi fækkað en þau tilvik síðan merkt sem Covid veikindi sem leiddu til dauða. Einnig sé að búa til skort með því að takmarka flutningsleiðir matvæla, varahluta og annara nauðsynja.
Þegar horft er til þessara atriða og þeirra lokana sem settar voru af stað vegna Covid sem og þær sprautuherferðir sem farið var í segir Leifur að það veki athygli að allt þetta sé að gerast á sama tíma alls staðar í heiminum.
Aðspurður um hvort allt þetta sé hægt að skrifa á reikning World Ecconomic Forum segir Leifur að málið sé stærra en svo.
„þarna eru líka Club of Rome, Sameinuðu þjóðirnar, WEF og fleiri svona batterí sem hafa sama markmið“
Þannig sé þessi stefna orðin áþreifanleg, það er að segja fyrir þá sem vilja sjá en sumir kjósi að horfa aðeins á það sem birtist í almennum fjölmiðlum og vilji ekki sjá annað.
