Forstjóri fyrirtækjarisans Alibaba í Kanada, J. Michael Evans, gortaði af því á nýafstöðnu ársþingi glóbalista í Davos, að verið sá að vinna að sporunarkerfi, sem fylgist með hvar þú verslar, hvað þú borðar, hvernig þú ferðast og hvert þú ferðast. Tæknirisarnir og stjórnvöld gætu þegar verið að gera það. Tími kominn á að fólk vakni! Það sem gerist eftir gagnasöfnunarstigið getur orðið miður skemmtilegt.
The Gateway Pundit segir frá atlögum að miðlinum, að hafa lent í ritskoðun, legið undir njósnum og verið bannaður, rægður og lent í falsárásum fyrir að hafa gagnrýnt Antony Fauci og lokanir yfirvalda í Covid-faraldrinum; fyrir að hafa gagnrýnt dánartölur WHO og lygar um að veiran hafi komið frá votmatarmörkuðum, fyrir að hafa gagnrýnt mRNA-bóluefnin, að verið sé að bólusetja börn, barist gegn lygum um virkni HCQ og Ivermectin gegn Covid, gagnrýnt gagnsleysi andlitsgríma, tilbúnar dánartölur yfirvalda, bólusetningarþvinganir o.s.frv.
Allt hefur verið reynt til að knésetja fjölmiðilinn fyrir að hafa sannleikann í heiðri og segja frá misgjörðum yfirvalda. The Gateway Pundit spyr:
„Getið þið giskað á hvað muni koma í kjölfar njósna WEF um hegðun neytenda?“
Dr. Simon Goddek segir á Twitter (sjá neðst á síðunni):
„Forstjóri Alibaba Group Kanada, J. Michael Evans, státar sig af því á World Economic Forum að verið sé að þróa kolefnisfótsporsmæla til að fylgjast með því sem þú kaupir, hvað þú borðar og hvert og hvernig þú ferðast. Þessi einstaka mæling á kolefnisfótspori mun líklega ekki verða notuð á fyrirtækjaþotur, snekkjur eða útblástur frá heimilum sem eru stærri en 5.000 fermetra.“
