Forseti Úkraínu, Volodymyr Zelensky, segir að úkraínsk stjórnvöld hafi ekki fengið þær fjárhæðir sem oft eru nefndar þegar rætt er um stuðning Bandaríkjanna við Úkraínu frá upphafi stríðsins.
Í viðtali sagði Zelensky að reglulega væri vísað til þess að Bandaríkin hefðu veitt Úkraínu 177 milljarða dollara í aðstoð, en að sumir nefndu jafnvel 200 milljarða dollara. Hann sagði hins vegar að Úkraína hefði fengið rúmlega 75 milljarða dollara.
Aðstoðin ekki greidd í reiðufé
Zelensky lagði áherslu á að stuðningurinn hefði að stórum hluta verið veittur í formi hergagna fremur en ekki beinna fjárframlaga. Að hans sögn hefur Úkraína tekið við vopnum að verðmæti rúmlega 70 milljarða dollara. Hann sagði jafnframt að í þeim heildartölum sem bandarísk stjórnvöld vísa til séu meðal annars talin útgjöld vegna þjálfunar, æfinga, flutninga, mannúðaraðstoðar og annarra verkefna sem tengjast stríðinu.
Segir um 100 milljarða ekki hafa borist
Forsetinn hafnaði því að Úkraína hefði fengið 200 milljarða dollara til stuðnings hernum og sagði að um 100 milljarðar dollara af þeim fjárhæðum sem nefndar væru hefðu aldrei borist úkraínskum stjórnvöldum.
„Ég veit ekki hvar allir þessir peningar eru,“ sagði Zelensky í viðtalinu.