Að flytja hér inn hælisleitendur sem aðhyllast hugmyndafræði Islam kann ekki góðri lukku að stýra enda er margt í hugmyndafræðinni sem stangast beinlínis á við íslensk lög. Þá er einnig alls engin virðing borin fyrir konum og þær eru álitnar sem hálfgerður búpeningur. Þetta var meðal þess sem fram kom í máli Arndísar Hauksdóttur prests í þætti Arnþrúðar Karlsdóttur en Arndís sem starfaði lengi í Noregi og þekkir því þau áhrif sem Islam getur haft á kristin samfélög.
Í þættinum kom meðal annars fram að þegar Arndís bjó í Noregi hafi hún meðal annars aðstoðað stúlku og móður hennar en stúlkan hafi verið umskorin og hafði í kjölfarið fengið alvarlega sýkingu. Það er eitt af þeim hryllilegu voðaverkum sem ungar stúlkur mega þola vegna hugmyndafræði Islam og eru fjöldi ungra stúlkna umskornar á þennan hátt og segir Arndís að þegar kemur að Noregi sé það engin undantekning. Þá komi konur frá heimalandi þessara kvenna og umskeri stúlkur með hörmulegum afleiðingum fyrir stúlkurnar. Stutt sé síðan slíkt mál kom upp hér á landi en í því tilviki hafði drengur verið umskorinn í heimahúsi á Akureyri.
Kynntist skuggahliðum Islam í Noregi
Einnig sé það vilji flestra þeirra múslima sem flytjast búferlum til annara landa að hafa sín Sjaríalög og fara eftir þeim í stað þeirra laga sem fara eigi eftir í viðkomandi landi. Arndís segir að þegar hún bjó í Noregi hafi hún ekki vitað í raun mikið um Islam nema fræðilega en svo hafi henni boðist það hlutverk að taka á móti múslimskum konum sem höfðu orðið fyrir ofbeldi og þá hafi hún fengið að kynnast skuggahliðum hugmyndafræði Islam.
Konur voru eins og þrælar eiginmanna sinna
Hún segir að þær konur sem hún hafi tekið á móti hafi verið eins og þrælar sinna eiginmanna og hafi ekki haft neitt um líf sitt að segja. Þær hafi verið hræddar við að fara út því þær voru ekki einungis að flýja ofbeldismanninn sjálfan heldur voru þær hundeltar af allri ættinni.
Vestrænar konur álitnar hórur
Vegna þeim kynnum sem Arndís hefur af hugmyndafræði Islam hugnast henni ekki að verið sé að flytja inn til Íslands fólk sem aðhyllist hugmyndafræðina. Karlmenn innan hennar líti til dæmis á vestrænar konur beinlínis sem hórur sem þó sé gott að eignast börn með til þess að geta komist hér inn og sé meira segja uppálagt að eignast með þeim börn til þess að dreifa sér.
Hlusta má á ítarlegri umræður um stöðu kvenna innan Islam í spilaranum hér að neðan
