Tucker Carlson hjá Fox News fullyrðir, að bandarísk „skrímsli“ stundi stríðsrekstur í Úkraínu (sjá myndband neðst á síðunni). Blaðamaðurinn Glenn Greenwald segir, að Úkraína sé ekkert annað en peð í miskunnarlausri tilraun bandarísku elítunnar til að knésetja Rússland. Bandaríkin eru reiðubúin að fórna Úkraínu og íbúum hennar fyrir þennan tortryggilega málstað, sem er ekki einu sinni að virka.
Stríðið í Úkraínu er brjálæði og hefur ekkert með „siðferði“ að gera. Þetta hugsar hinn goðsagnakenndi blaðamaður Glenn Greenwald. Úkraína hefur verið notað sem peð í leiknum til að efla áhrif bandarísku valdaelítunnar. Bandaríkin leiddu hið blóðuga valdarán árið 2014 og hafa beitt sér í landinu allt síðan.
Verið að eyðileggja Úkraínu
Svo réðust Rússarnir inn og núna er verið að eyðileggja alla Úkraínu. Bandaríkjunum stendur nákvæmlega á sama, að sögn Greenwald:
„Það hefur verið ljóst allan tímann, að Bandaríkin vilja að þetta stríð haldi áfram eins lengi og mögulegt er vegna þess að þeir hafa engan áhuga á að vernda Úkraínu. Þess í stað vilja þeir fórna Úkraínu – láta eyða Úkraínu til að veikja Rússland og koma því á, sem þeir telja að séu hagsmunir Bandaríkjanna á heimsvísu. Og leiðin til að gera það er að nota Úkraínu sem peð í leiknum. Að drepa eins marga Úkraínumenn og hægt er, eyðileggja allt landið þeirra ef nauðsyn krefur, bara til að lengja stríðið eins lengi og hægt er.“
Bandaríkin vilja ekkert vopnahlé
En tilraunin til að veikja Rússland gengur ekkert sérstaklega vel. Rússland er einungis einangrað á Vesturlöndum og hefur sýnt, að landið getur staðið gegn öllu sameiginlegum Vesturlöndum, sem styðja Úkraínu í sameiningu með mikilli efnahags- og hernaðarlegri aðstoð. John Kirby, talsmaður þjóðaröryggisráðs Bandaríkjanna, segir beint út, að Bandaríkin ætli ekki að samþykkja neitt vopnahlé í Úkraínu. Greenwald segir það sýna greinilega, að það eru í raun og veru Bandaríkin sem halda um taumana í Kænugarði. Það er ekki hagur Úkraínu að halda þessu brjálæði áfram:
„Frá upphafi hefur áróðurinn verið, að Úkraínumenn séu harðir, hugrakkir og standi við hlið Bandaríkjanna. Raunveruleikinn er alfarið hið gagnstæða. Úkraínumenn vilja ekki, að þetta stríð haldi áfram. Zelensky notar ekki sjálfboðaliðaher. Hann notar herskyldu. Hann kallar í herþjónustu þá sem eru ekki viljugir til að berjast og hefur ítrekað á síðustu mánuðum hert refsingar yfir liðhlaupum og öðrum sem reyna að gera uppreisn gegn þessu stríði. Úkraínumenn vita að þeir eru notaðir sem fallbyssufóður fyrir aðra hagsmuni í heiminum. Úkraínumenn neyðast til að deyja í miklum fjölda fyrir markmið, sem er ekki í þeirra þágu. Bandaríkin og Bretland „koma í veg“ fyrir frið.“
Hafa að eilífu glatað heimsyfirráðum sínum
Tucker Carlson segir að fjármálakerfi hins vestræna heims byggi á heimsyfirráðum Bandaríkjanna og yfirráðum dollarans. Án þess mun fjármálakerfið að lokum hrynja. Vegna mistaka Vesturlanda í stríðinu í Úkraínu, sem meðal annars hafa ýtt Rússlandi og Kína saman, hafa Bandaríkin „að eilífu glatað yfirráðum sínum á heimsvísu.“ segir Tucker Carlson.
