Arnþrúður Karlsdóttir ræddi við Guðmund Ólafsson hagfræðing. Þar kom fram að hefðbundið bankakerfi á Íslandi væri veikburða og að sparifjáreigendur hefðu enga raunverulega ávöxtun af innistæðum sínum. Guðmundur sagði að Bitcoin og önnur ný gjaldmiðlakerfi gætu verið leið til að brjótast út úr gölluðu kerfi sem byggði á skuldasöfnun og ósanngjörnum reglum. Hlusta má á þáttinn í spilaranum hér að neðan.
Bankakerfið veitir litla ávöxtun
Guðmundur sagði að bankar á Íslandi væru í reynd orðnir aðgreiðsluborð fyrir lífeyrissjóði og að sparifé almennings væri án raunverulegrar ávöxtunar. Hann benti á að innistæður skiluðu neikvæðum raunvöxtum sem gerðu það að verkum að sparifjáreigendur töpuðu í stað þess að spara sér til framtíðar.
Lífeyrissjóðir með of mikil völd – Ný úrræði verða að koma til
Í þættinum kom fram að lífeyrissjóðir hefðu í raun tekið yfir fjármálakerfið og fjárfestu í fasteignum og stórum fyrirtækjum í stað þess að tryggja ávöxtun sparifjár. Guðmundur sagði að þetta væri ein meginástæða fasteignabólu og verðbólgu. Hann taldi að kerfið væri svo gallað að það kallaði á ný úrræði utan hefðbundinna stofnana.
Bitcoin sem raunhæfur kostur
Guðmundur vísaði til þess að El Salvador hefði þegar tekið Bitcoin upp sem löglegan gjaldmiðil og að fleiri ríki væru farin að skoða sambærilegar leiðir. Hann sagði að með nýjum gjaldmiðlakerfum væri hægt að tryggja einstaklingum meira frelsi, draga úr miðstýringu og losna undan áhrifum spilltra fjármálastofnana.
Nýir tímar í alþjóðaviðskiptum – Ísland þarf að brjótast úr úr gamla kerfinu
Að hans mati væri ljóst að hefðbundinn gjaldmiðlavandi, bæði í Evrópu og Bandaríkjunum, gerði það að verkum að smærri ríki yrðu að leita annarra leiða. Hann sagði að Ísland þyrfti að skoða nýja möguleika til að tryggja sér stöðugleika, meðal annars með því að nýta stafræna gjaldmiðla og brjótast út úr ósanngjörnum leikreglum gamla kerfisins.
Hlusta má á ítarlega umfjöllun í spilaranum hér að neðan.