Borgarlínan er svo slæm fjárfesting að annað eins hefur ekki sést um langa hríð. Þetta var meðal þess sem fram kom í máli Ragnars Árnasonar hagfræðings og prófessors emeritus í síðdegisútvarpinu í dag en hann var gestur Péturs Gunnlaugssonar.
Ragnar bendir á að þegar Borgarlínan hefur verið tekin að fullu í notkun muni hún einungis nýtast um 3 prósentum landsmanna og sá áfangi sem nú er stefnt að því að hefja mun einungis nýtast litlu broti af þessum 3 prósentum. Hin 97 prósentin munu þurfa að þola meiri umferðartafir en nú er en þær kosta borgarbúa nú þegar árlega 30-60 milljarða.
Þá segir Ragnar það skjóta skökku við að íbúar á landsbyggðinni sem búa við algjörlega óviðunandi samgöngur og hafa beðið lengi eftir úrbótum séu meðal annars látnir fjármagna að hluta framkvæmdir við Borgarlínu með sínu skattfé
“ það er mjög ósanngjarnt að þetta fólk þurfi að fjármagna einhverjar lúxusframkvæmdir í Reykjavík“ segir Ragnar.
Hlusta má á þáttinn í spilaranum hér að neðan
