Helgi Bjartur Þorvarðarson hefur verið dæmdur í 12 mánaða fangelsi fyrir brot gegn 10 ára dreng í Hafnarfirði. Níu mánuðir refsingarinnar eru skilorðsbundnir. Hann var sakfelldur fyrir kynferðislega áreitni og húsbrot en sýknaður af ákæru um nauðgun.
Dómur kveðinn upp fyrir luktum dyrum
Dómur var kveðinn upp í Héraðsdómi Reykjaness í dag fór málið fram fyrir luktum dyrum. Samkvæmt upplýsingum frá ákæruvaldi liggur fyrir að niðurstaðan tekur eingöngu til dómsorðs á þessu stigi.
Ákærður fyrir alvarlegri brot
Í ákæru var Helga Bjarti gefið að sök að hafa brotið gegn drengnum í september á síðasta ári með kynferðislegum athöfnum og tilraun til samræðis. Þá laut ákæran einnig að því að hann hefði greitt fyrir vændi í Reykjavík sama kvöld. Niðurstaða dómsins felur í sér að hann er ekki sakfelldur fyrir þau alvarlegustu brot sem ákæran tók til.
Gæsluvarðhald eftir ágreining dómstóla
Helgi Bjartur gekk laus um tíma eftir handtöku í september en eftir að rannsókn lauk í janúar var krafist gæsluvarðhalds. Héraðsdómur hafnaði þeirri kröfu en Landsréttur sneri þeirri niðurstöðu við.
Hann hefur setið í gæsluvarðhaldi frá 14. janúar.