Ástæður þess að hlaðvörp og minni fjölmiðlar séu farnir að fá meira áhorf og hlustun er sú að fólk er hætt að treysta stóru meginstraumsfjölmiðlunum hér á landi. Þetta sé vegna framgöngu þeirra í fjölmörgum málum. Til að mynda vegna þess áróðurs sem stóru miðlarnir og þar á meðal RÚV básúnuðu án allrar gagnrýni, áróður frá Sóttvarnastofnun Bandaríkjanna og WHO. Þetta var meðal þess sem fram kom í máli Frosta Logasonar fjölmiðlamanns og stofnanda Brotkast.is í þætti Arnþrúðar Karlsdóttur.
Frosti segir það þó ekki eina málið þar sem rekin hefur verið einsleitur áróður því það sama gildi til dæmis um Úkraínustríðið. Þar séu meginstraumsmiðlarnir á þeirri línu að skyndilega hafi Pútín fengið mikilmennskubrjálæði og þess vegna farið í stríðið þó sammleikurinn sé sá að stríðið sé aðeins stigmögnun átaka sem staðið hafi yfir í Úkraínu í áráraðir.
Það sem ekki er sagt er stóra fréttin
Hvað Covid áróðurinn varðar bendir Frosti á að þrátt fyrir að kostnaðurinn vegna aðgerða ríkisvaldsins í Covid sé mun hærri en þegar bankahrunið varð 2008 þá virðist enginn setja fram gagnrýni um kostnaðinn og enginn rannsóknarnefnd sett til að fara ofan í það sem gerist þar.
RUV fylgir rétttrúnaðinum
Hann segir gagnrýnisleysið bera vott um ákveðið hugleysi. Starfsmenn RÚV og annara meginstraumsmiðla þori ekki að fara ofan í mál sem fer gegn einhverri ríkjandi skoðun hverju sinni. Það sé afar mikilvægt að það sé gert og að sjálfsögðu hlutverk fjölmiðla.
Hlusta má á ítarlegri umfjöllun í spilaranum hér að neðan
