Íslendingar standa andspænis því að samþykkja farsóttarsáttmála Alþjóða heilbrigðismálastofnunarinnar WHO, og afsala sér þar með fullveldisvaldi. Nauðsynlegt er að rannsaka þau fjölmörgu umframdauðsföll sem orðið hafa hér á landi og hvort og þá hvernig þau tengjast Covid eða Covid bólusetningum. Þessi mál voru til umræðu í viðtali Arnþrúðar Karlsdóttur við Guðmund Karl Snæbjörnsson lækni í dag.
Guðmundur segir umframdauðsföllin ekki vera til komin af tilviljun og á meðan orsakir þeirra hafi ekki verið rannsakaðar þá leyfa sóttvarnalæknir og landlæknir sér að afneita þeim.
Hann segir að það þurfi enginn að vera hissa á því að bólusetningarnar hafi ekki virkað sem skyldi því það hafi verið alveg ljóst frá upphafi. Innihaldsefni „bóluefnanna“ hafi ekki verið upplýst fyrir fólki og því hafi margir farið og þegið sprautur í góðri trú. Framleiðendur bóluefnanna hafi krafist leyndar í 75 ár á innihaldinu og því sé nauðsynlegt að rannsaka afleiðingarnar.
„þetta var okkur ljóst alveg frá upphafi þ,e frá nóvember 2020 áður en farið var að bólusetja á heimsvísu. Þá vissum við að það verndaði ekki gegn smitum og að smituðum fjölgaði eftir því sem fólk fékk fleiri bólusetningar. Við vissum líka að dauðsföllum myndi fjölga og í uppgjöri í febrúar á þessari rannsókn Pfizer, þá var dánartíðnin meðal bólusettra 4,2% eða 1223 og svo má ekki gleyma öðrum aukaverkunum sem Guðrún Aspelund sóttvarnalæknir virðist afneita sem voru rúmlega 58.000“ segir Guðmundur.
Framsal valds í sóttvarnamálum til WHO felur í sér fullveldisafsal
Fyrirhugað framsal valds yfir sóttvarnamálum yfir til WHO sem fyrirhugað sé að samþykkja í nóvember næstkomandi var einnig til umfjöllunar í þættinum en Guðmundur segir að í því felist hreint og klárt fullveldisafsal. Þar með sé framkvæmdastjóri WHO orðinn einráður um valdið í farsóttamálum 194 aðildarríkja. Hér sé verið að reyna að koma í gegnum Alþingi breytingu á lögum um evrópska efnahagssvæðið, bókun 35 og ef það gerist þá verði nóg að heilbrigðisráðherra skrifi undir farsóttarsamninginn og þar með bindur það hendur okkar Íslendinga.
„orðalagið í þessum farsóttasáttmála er svo óljóst að heimsfaraldur getur í raun átt við hvað sem er. Það getur til dæmis átt við koltvísýringinn í andrúmsloftinu eða efnahagsástand. Það getur í raun átt við hvað sem er og þessi framkvæmdastjóri WHO getur í raun tiltekið hvaða faraldur sem honum dettur í hug. Þær þjóðir sem samþykkja sáttmálann ber að úta boðvaldi WHO. Þjóðum getur verið refsað ef ekki er farið að skipunum WHO“ segir Guðmundur.
Stjórnvöld leyna því að þau ætli að samþykkja fullveldisafsal yfir til WHO
„það á að þagga málið niður þangað til að þessi samþykkt WHO er komin í gegn og þá eru þau komin í yfirburðarstöðu en fram að því ætla þau að ljúga og afneita öllu, snúa út úr og setja trúnað á þingmenn“ segir Guðmundur Karl.
Hlusta má á viðtalið í heild í spilaranum hér að neðan
