Í fréttum vikunnar í dag fóru þau Arnþrúður Karlsdóttir og Pétur Gunnlaugsson yfir helstu fréttamálin í vikunni og bar ýmislegt fróðlegt á góma.
Rætt var um verðbólguna sem sögð er fara lækkandi og sé nú 5,1%. Arnþrúður sagði það jákvætt en hún taki því þó með fyrirvara að þær fregnir væru sannar. Þá sagði Arnþrúður að það væri afskaplega sérstakt að því sé haldið fram að Ísland sé eitt ríkasta land í heimi á meðan efnahagsmálin séu á þeim stað sem þau eru í dag og ekki standi steinn yfir steini. Lítið sé til dæmis byggt og þannig verði staðan áfram á meðan vextir séu háir.
Staðan Grindvíkinga ennþá erfið
Einnig var fjallað um stöðu Grindvíkinga og þá óánægju með félagið Þórkötlu sem ætli að kaupa eignir Grindvíkinga. Grindvíkingar margir séu í þeirri stöðu að bíða eftir svörum um hvenær þeir fái eignir sínar greiddar. Sigurður Ingi hafi boðað að nú verði hert á í þessum efnum og segir Arnþrúður að nú sé bara að bíða og sjá hvort staðið verði við gefin loforð gagnvart Grindvíkingum.
Katrín sleppur við ábyrgð og flýr í forsetaframboð
Rætt var um forsetaframboð Katrínar Jakobsdóttur í þættinum og þá sérkennilegu stöðu að á meðan Bjarni Benediktsson sitji undir steypiregni gagnrýnisradda sleppi Katrín Jakobsdóttir frá ábyrgð og hafi stokkið frá hálfkláruðum verkum yfir í forsetaframboð. Þá sleppi Svandís Svavarsdóttir að mestu við alla gagnrýni. Katrín sem hafi tekið við matvælaráðuneytinu í veikindaleyfi Katrínar hefði tl dæmis átt að vera búin að afgreiða umsókn Hvals hf um leyfi til hvalveiða fyrir löngu síðan en það gerði hún ekki. Mörg önnur brýn stórmál hafi hún einnig skilið eftir ókláruð, mál sem skipta þjóðina miklu máli að verði kláruð.
Marxisk menningarbylting Katrínar tröllríður öllu hér á landi
Þá sé það nú svo að Katrín hafi ekki staðið reikningsskil við þjóðina þegar kemur að Covid tilrauna sprautunum og þeim samningum sem hún hafi gert án vitundar Alþingis. Jafnframt fyrirhuguðu valdaframsali til WHO í farsóttarmálum en Katrín sé einmitt í sendiherrastöðu hjá WHO án þess að gefa nokkra skýringu á þeirri ákvörðun. Það sé augljóst að hún standi fyrir þeirri marxísku menningarbyltingu sem núna tröllríður öllu hér á landi.
Hlusta má á þessar og fleiri fréttir vikunnar í spilaranum hér að neðan
