Í þættinum Fréttir vikunnar í dag ræddu þau Arnþrúður Karlsdóttir útvarpsstjóri og Pétur Gunnlaugsson við séra Arndísi Hauksdóttur sem starfað hefur um árabil sem prestur í Noregi og fóru þau yfir ýmis stór mál sem hafa komið upp nýverið. Arndís er jafnframt hjúkrunarfræðingur.
Í þættinum var byrjað á að ræða um biskupsmálið og stöðu Þjóðkirkjunnar á Íslandi. Arndís segir að þjóðkirkjan á Íslandi sé á afar sérkennilegri vegferð og bendir á að það sé til dæmis eitt sem hún eigi enn erfitt með að sætta sig við. Það var þegar Biskupsstofa fór í auglýsingaherferð með auglýsingum á strætisvögnum á vegum kirkjunnar. Þá var birt mynd þar sem Jesú kristur var sýndur sem transeinstaklingur sem hann hafi alls ekki verið.
Þetta var virkilega sárt segir Arndís
Hún segir ljóst að biskup hafi vitað af því að það stæði til að setja upp þessa skrumskældu mynd af Jesú því það hefði þurft samþykki biskups svo birtingin væri möguleg. Því sé ljóst að Agnes hafi vitað af því hvað stæði til.
„ég var að vinna sem prestur í Noregi þegar þetta átti sér stað og ég verð að segja að ég skammaðist mín fyrir að vera Íslendingur þegar þetta var gert. Þegar ég kom í vinnuna þá var búið að birta þetta í sjónvarpi og fréttum í Noregi og ég kveið fyrir því að fara niður á skrifstofu þá biðu allir eftir mér með stór augu. Þetta var virkilega sárt. Á myndinni var einnig kirkja og mynd af íslamskri konu. Þar sem ég hafði verið að aðstoða íslamskar konur þá vissi ég að þetta væri eitt af því sem þær myndu aldrei gera“ segir Arndís.
Mjög mikilvægt að staða biskups verði útskýrð
Hvað varðar þá sérkennilegu stöðu sem nú er uppi um stöðu biskups hvað varðar framlengingu á starfstíma hennar segir Arndís að hún skilji eiginlega ekki hvað hafi átt sér stað.
„það er bráðnauðsynlegt að koma því á hreint hvort ráðningin sé gild því ef hún er ekki gild þá skapar það auðvitað mikinn vafa um hennar embættisverk. Ég skil eiginlega ekki hvernig þetta hefur komið til því það er nokkuð skýrt hvernig biskupskjör á að vera, þetta hljómar allt mjög undarlega og undirmaður getur auðvitað ekki ráðið yfirmann“segir Arndís.
Katrín Jakobsdóttir hefur tekið að sér sendiherrstöðu hjá WHO.
Arndís bendir á að Tedros Adhanom Ghebreyesus framkvæmdastjóri WHO hafi verið í desember 2020 ákærður bæði sem hluti af stjórnvaldi og sem einstaklingur af Alþjóðaglæpadómstólnum í Haag fyrir að hafa valdið dauða, pyntingum, fangelsun þúsunda Eþíópíumanna.
„það einkennilega er að þó hann eigi ekki að hafa friðhelgi þá virðist hann verndaður sem framkvæmdastjóri WHO. Tedros er ekki læknismenntaður og hefur enga vísindalega menntun og Katrín vill vinna fyrir þennan mann og þá væntanlega setja okkur undir hans stjórn hvað varðar sóttvarnir í tengslum við farsóttarsáttmálann“ segir Arndís.
WHO vill kenna börnum að stunda kynlíf
Arndís segir farsóttarsáttmálann vera með miklum ólíkindum og það sé svakalegt hvað þar sé að finna.
„það verður hægt að taka okkur með valdi og sprauta hverju sem er í okkur þó það séu engin einkenni til staðar. Það verður líka hægt að setja okkur í einangrun eins lengi og þurfa þykir“ nefnir Arndís sem dæmi.
Þá vilji WHO kenna börnum mjög ungum að stunda kynlíf og segir Arndís hryllilegt til þess að hugsa.
Hér að neðan má heyra ítarlegri greiningu á farsóttarsáttmálanum, hvernig hann tengist fyrirhugaðum breytingum á farsóttarlögum á Íslandi og hatursorðræðutillögu Katrínar Jakobsdóttur.
