Frá vinstri: Max Schmeling Danmörk, Vibeke Manniche Danmörku, Sasha Latypova úkraína Philipp Kruse Sviss, og Katherine Watt Bandaríkin voru fyrirlesarar á ráðstefnunni.
Í Fréttum vikunnar ræddu þau Arnþrúður Karlsdóttir, Pétur Gunnlaugsson við Arnar Þór Jónsson lögmaður og varaþingmaður Sjálfstæðisflokksins um margvíslegar staðreyndir varðandi Covid 19 faraldurinn og ábyrgð stjórnvalda á afleiðingum. Rætt var um fyrirhugað valdaframsal til WHO sem fari í bága við stjórnarskrána. Alvarlegan upplýsingaskort á meðal alþingismanna. Jafnframt rætt um aðild Íslands að stjórnmálasamtökum Evrópuríkja.
Fjallað var um ráðstefnuna, Látum vísindin tala, sem haldin var í vikunni þar sem sex erlendir framsögumenn, þar á meðal læknar og vísindamenn, sögðu frá margvíslegum staðreyndum sem komið hafa í ljós varðandi afleiðingar af starfsemi og framgöngu heilbrigðisyfirvalda Vesturlanda vegna Covid 19. Arnar Þór var einn þeirra sem stóðu fyrir ráðstefnunni og í þættinum var rætt um efni ráðstefnunnar.
Ivermectin talað niður af lyfjarisum
Arnar sagði frá því að á ráðstefnunni hafi verið fjallað um hvernig lyfinu Ivermectin hafi verið rutt úr vegi og talað niður í þágu lyfjarisanna. Hann segir lyfjarisanna hafa beitt mikilli hörku til þess að tala niður Ivermectin og beitt fyrir sig fjölmiðlum sem lyfjarisarnir kostuðu að miklu leyti. Pierre Korey bandarískur læknir sem var á ráðstefnunni hafi hins vegar bent á staðreyndir um gagnsemi lyfsins, sem fyrirbyggjandi, gegn Covid og sýnt rannsóknir þess efnis.
Ásetningsverk?
Sasha Latypova frá Úkraínu er starfað hefur lengi innan lyfjaiðnaðarins sagði á ráðstefnunni að bólusetningarnar hafi verið gæpsamlegar þjóðernishreinsanir eða fjöldamorð af ásetningi og talið að 17 milljónir manna hafi dáið. Um hernaðaraðgerð hafi verið að ræða. Sagðist Arnar Þór hafa rætt við hana eftir ráðstefnuna um hvort hún hafi ekki fengið sterk viðbrögð frá yfirvöldum þegar hún noti slíkt orðalag. Sasha hafi hins vegar sagt að hún væri búin að segja í eitt og hálft ár að þetta væri hernaðaraðgerð og enginn hefði mótmælt því enda kæmi það beinlínis fram í opinberum skjölum. Þá hafi Pfizer viðurkennt í dómsmáli að þetta væri að undirlagi Bandarískra hernaðaryfirvalda.
Íslenskir þingmenn illa upplýstir um alvarleika málsins
Um þessar mundir er verið að undirbúa aðild Íslands að farsóttarsáttmála WHO, sem ásamt breyttri reglugerð WHO, felur í sér framsal á ríkisvaldi til alþjóðlegrar stofnunar og kom fram í þættinum að slík ákvörðun kunni að fela í sér landráð. Farsóttarsáttmálinn felur í sér allsherjarvald til WHO á sviði farsóttarmála í öllum þeim löndum sem eiga aðild að WHO. Verða aðildarríkin 194 að tilkynna sérstaklega ef þau ætla ekki að gangast undir farsóttarsáttmálann að öðrum kosti er litið svo á að þögn sé sama og samþykki. Tímafresturinn rennur fljótlega út og því mikilvægt að alþingismenn ræði þetta svo fólk geti áttað sig á hvað sé að gerast.
Arnar Þór sagði að með farsóttarsáttmála WHO sé verið að búa til vald sem sé ofar ríkisvaldinu. Það sé mjög alvarlegt að framkvæmdastjóri stofnunar eins og WHO geti ákveðið, að eigin geðþótta, að lýsa yfir heilbrigðisvá og þá séu allt í einu öll völd komin í hendur WHO og ríkin hafi skuldbundið sig til að beygja sig undir það. Hann segir það mjög sláandi að íslenskir þingmenn virðist upp til hópa afar illa upplýstir um það sem sé að gerast og umræðan í algeru skötulíki.
Fram kom, að Philipp Kruse lögmaður og framsögumaður á ráðstefnunni hafi sagt að almenningur þurfi að þrýsta á þingmenn og spyrja þá að því hvort þeir geti ábyrgst það gagnvart kjósendum sínum og síðri kynslóðum að valdaframsal það sem sé í undirbúningi gagnvart WHO muni ekki skerða þau grundvallaratriði í stjórnarskrá sem þingmenn eru skuldbundnir til þess að verja.
Arnar Þór sagði að öllum þingmönnum beri að þekkja allar þær reglur sem nú séu í undirbúningi og þeim beri að verja stjórnskipan landsins. Hann segir að með því að færa völdin með þessum hætti yfir til ólýðræðislegrar stofnunar þá hverfi réttarríkið í reyk og móðu því aðgerðir WHO byggist ekki lengur á lögum.
Ísland í stjórnmálasamtökum Evrópuríkja
Í þættinum var rætt um þátttöku Katrínar Jakobsdóttur forsætisráðherra á fundi EPC ríkjanna (e. European Political Community, EPC) í Granada á Spáni sem Ísland er hluti að. Stofnað var til EPC vettvangsins á síðasta ári en alls taka nú 47 ríki þátt í starfinu. Markmiðið með vettvangnum er að efla samstöðu og auka samtal og samvinnu leiðtoga Evrópuríkja vegna innrásar Rússlands í Úkraínu.
Arnar Þór segir lýsinguna á EPC samstarfinu afar sérstaka því það sé ekki fyrirfram gefið að hagsmunir allra 47 ríkjanna nái saman um allt. Það sé heldur í raun ekki eðlilegt því eðlilegir stjórnarhættir séu einmitt rökræða og samtal. Það eigi að leyfa ágreining sem síðan leysist úr með þeim hætti að þjóðir tali sig inn á einhverja niðurstöðu. Allt þetta tal um nauðsynlega samstöðu og allt þetta kjass og knús milli þjóðarleiðtoga sé sérstakt. Það væri betra að menn hegðuðu sér eins og fullorðið fólk og treystu sér til þess að búa með öðrum þjóðum án þess að vera í einhverri samstöðu.
“ af hverju er þessi krafa uppi um að allir séu með eina skoðun og af hverju erum við komin inn í umhverfi þar sem fólk er orðið svo hrætt að það þorir ekki að læka eitthvað sem sagt er á Facebook. Hvaðan kemur þessi rosalega einsleitni og kúgun? “ sagði Arnar Þór
Hlusta má á nánari umfjöllun um ráðstefnuna og valdaframsal til WHO sem og umræðu um EPC ríkin í spilaranum hér að neðan.
