Nokkuð víðtækar götulokanir verða í miðborginni og nærliggjansi svæðum á morgun vegna hátíðarhalda á degi verkalýðsins 1.maí.
Meðal annars verða Bifhjólasamtök lýðveldisins Sniglarnir með hópakstur frá Grandagarði klukkan 12:00 sem endar við Háskólann í Reykjavík um klukkan 13:00. Viðamiklar götulokanir eru í tengslum við hópaksturinn og mun lögregla og starfsfólk Reykjavíkurborgar sjá til þess að aksturinn gangi vel og að götur opni eins fljótt og auðið er.
Félagsfólk í Verslunarmannafélagi Reykjavíkur er með fjölskylduskemmtun á Klambratúni og verður gengið þaðan að Skólavörðuholti klukkan 13:00. Kröfuganga verkalýðsins fer svo frá Skólavörðuholti klukkan 13:30 og verður gengið niður á Ingólfstorg þar sem fram fer hátíðardagskrá í tengslum við daginn.
Hér að neðan má sjá kort af götulokunum