Það er algerlega útilokað að hægt verði að rafvæða farþegaflugið og allt tal um mengun flugs vegna kolefnislosunar er tómt bull sem er notað er til þess að réttlæta græna skatta. Þetta var meðal þess sem fram kom í máli Kristins Sigurjónssonar rafmagns og efnaverkfræðings í síðdegisútvarpinu í dag en hann var viðmælandi Arnþrúðar Karlsdóttur og Péturs Gunnlaugssonar.
Eins og kunnugt er hefur Katrín Jakobsdóttir forsætsráðherra neitað að birta svar Ursulu Von Der Leyen forseta framkvæmdastjórnar ESB um kostnað vegna kolefnislosunar í millilandaflugi.
Kristinn segir þessa meintu mengun vegna kolefnislosunar vera tóma þvælu, þetta sé fyrst og fremst sett fram til þess að réttlæta græna skatta sem notaðir eru síðan til þess að stjórna umræðunni í samfélaginu.
„við þekkjum öll sömul að fjárþörf hins opinbera er endalaus og það þarf að réttlæta hana með einhverjum jákvæðum sköttum sem fólk hefur jákvætt viðhorf fyrir en svo hefur það gerst að það fé sem fæst með þessum sköttum hefur ekki farið í nein græn verkefni heldur fer þetta í ríkishítina og er notað til þess að stjórna umræðunni í samfélaginu“segir Kristinn.
Kristinn nefnir dæmi:
„þeir sem hafa verið að sækja um styrki í rannsóknarsjóði og ekki fengið vegna þess að áherslurnar féllu ekki í kramið hafa svo breytt áherslunum þannig að þær falla í kramið og þá fá þeir styrkina, þetta er besta leiðin til þess að hafa áhrif á viðhorf fólks í samfélaginu, pólitísk vísindi er sennilega besta orðið yfir þetta“segir Kristinn aðspurður.
Hann bendir á að þegar peningar sem fást með slíkum sköttum fara ekki í verkefni sem eiga vinna gegn því sem þeim er ætlað þá séu þeir komnir í sjóðsstreymi þar sem verið sé að reyna að stjórna viðhorfi fólks. Hann bendir á að það sé lítið að marka sérfræðinga fyrr en þeir séu komnir á eftirlaun því ef þeir hafi ekki rétta viðhorfið þá eigi þeir á hættu á að missa starf sitt og verða af styrkjum úr slíku fjárstreymi.
Þannig sé viðhorfi fólks stjórnað, þ,e með því að velja hvaða verkefni sem fái styrki og þá séu þau verkefni valin sem líkleg eru til að hafa áhrif á viðhorf almennings.
