Arnþrúður Karlsdóttir ræddi við Nönnu Margréti Gunnlaugsdóttur, þingmann Miðflokksins í síðdegisútvarpinu um nýtt sameiginlegt regluverk Evrópusambandsins í hælis- og innflytjendamálum. Nanna sagði hælisleitendapakka ESB einan og sér næga ástæðu til að vilja halda Íslandi utan sambandsins. Hún lagði sérstaka áherslu á sameiginlega ábyrgð ríkjanna þar sem ríki undir miklum innflytjendaþrýstingi geta fengið aðstoð annarra ríkja við móttöku hælisleitenda eða með fjárframlagi. Hlusta má á þáttinn í spilaranum hér að neðan.
Sameiginleg ábyrgð á hælisleitendum
Markmið regluverksins er meðal annars að dreifa ábyrgðinni þegar einstök ríki standa frammi fyrir miklum fjölda hælisleitenda. Nanna sagði þetta fela í sér aukna sameiginlega ábyrgð ríkjanna og miðlægara kerfi innan ESB.
Arnþrúður vakti athygli á svonefndu samstöðukerfi og þeirri skyldu ríkja að leggja sitt af mörkum þegar önnur ríki væru undir miklu álagi. Framlagið gæti meðal annars falist í móttöku fólks eða fjárhagslegri aðstoð. Nanna tók undir að þetta væri grundvallaratriði í kerfinu.
Ísland verðu að samþykkja innflytjenda- og hælisleitendapakka ESB að öðrum kosti sektargreiðslur
Sérstaða Íslands kom sérstaklega til umræðu. Arnþrúður benti á að Ísland væri fámennt ríki og að taka þyrfti mið af getu heilbrigðiskerfis, skólakerfis, lögreglu og annarrar opinberrar þjónustu þegar rætt væri um aukna ábyrgð á móttöku fólks.Ísland hefði aðeins 2 kosti í stöðunni, annað hvort að samþykkja skilyrðislaust innflytjendapakka ESB og taka á móti því fólki sem sent yrði hingað til lands. Ísland geti líka neitað að taka á móti fólki samkvæmt þessu kerfi en yrði þá í staðinn að greiða háa sektargreiðslu með hverjum þeim sem við neituðum að taka á móti. Þessi nýja regla væri ófrávíkjanleg samkvæmt nýjum lögum ESB sem var samþykkt 12. júní s.l.
Nanna taldi einmitt mikilvægt að Ísland réði sjálft hverjum landið tæki á móti og hvernig móttökunni væri háttað. Hún vildi ekki að slík ábyrgð færðist í sameiginlegt kerfi þar sem ákvarðanir væru teknar á vettvangi ESB.
Pólland hefur lagst gegn kerfinu – fær nú sektargreiðslur
Nanna nefndi Pólland sérstaklega og sagði stjórnvöld þar hafa tekið fast á málinu og bent á það sem þau teldu galla á hælisleitendapakkanum. Pólland hefur neitað að samþykkja þennan innflytjendapakka ESB og hefur fengið í staðinn háar sektargreiðslur. Umræðan sýndi að hennar mati hversu viðkvæmt málið væri innan Evrópusambandsins sjálfs.
Hún sagði kerfið meðal annars snúa að móttöku og flutningi hælisleitenda milli ríkja og að markmiðið væri að létta á þeim löndum sem væru komin undir mikinn þrýsting.
Regluverkið á eftir að stækka
Nanna leit ekki á nýja regluverkið sem lokaáfanga í þróun sameiginlegrar stefnu ESB í málaflokknum. Hún líkti þróuninni við orkupakka sambandsins þar sem nýtt regluverk kæmi í áföngum.
Af þeirri ástæðu taldi hún mikilvægt að Ísland héldi sjálfstæðu ákvörðunarvaldi í hælis- og innflytjendamálum. Hún vildi ekki að Ísland tæki á sig sameiginlega ábyrgð sem gæti síðan þróast áfram með frekari reglum og skyldum með ófyrirsjáanlegum afleiðingum.
Hlusta má á ítarlegri umfjöllun í spilaranum hér að neðan.