Hanta-veiran kemur fyrir í innri öryggis- og eftirlitsskjölum Pfizer sem birt voru meðal svokallaðra „Pfizer skjala“ sem tengjast eftirfylgni og öryggisvöktun vegna COVID-19 bóluefnisins BNT162b2. Um er að ræða skjalið „5.3.6 Cumulative Analysis of Post-authorization Adverse Event Reports of PF-07302048 (BNT162b2) Received Through 28-FEB-2021“, sem Pfizer vann fyrir bandarísk heilbrigðisyfirvöld árið 2021. Þar er farið yfir tilkynnt aukaverkunartilvik og sérstaka vöktun á ákveðnum sjúkdómum og heilsufarsatvikum eftir að bólusetningar hófust.
Hantavirus pulmonary infection á sérstökum vöktunarlista
Í viðauka skjalsins er að finna umfangsmikinn lista yfir svokölluð „Adverse Events of Special Interest“, það er heilsufarsatvik og sjúkdóma sem fylgst var sérstaklega með í öryggisgagnagrunni Pfizer eftir að bóluefnið fór í almenna notkun.
Þar kemur hugtakið „Hantavirus pulmonary infection“ fram ásamt fjölda annarra alvarlegra sjúkdóma og heilkenna. Á sama lista eru meðal annars talin upp Guillain-Barré syndrome, myocarditis, herpes zoster, vasculitis, pulmonary embolism, immune thrombocytopenia og multiple sclerosis relapse ásamt fjölmörgum öðrum tauga-, ónæmis- og blóðtengdum sjúkdómum.
Vekur athygli í ljósi umræðu um Hanta-veiruna
Það vekur sérstaka athygli að Hanta-veiran skuli hafa verið á þessum sérstaka vöktunarlista Pfizer, sérstaklega í ljósi þess að síðustu daga hefur mikil umræða skapast um veiruna eftir fréttir af alvarlegum veikindum og dauðsföllum um borð í skipinu MV Hondius.
Hanta-veira getur valdið alvarlegum lungnasjúkdómi sem kallast hantavirus pulmonary syndrome og hefur víða verið bent á að engin sértæk lækning sé til við veirunni. Meðferð beinist fyrst og fremst að stuðningsmeðferð og að halda líffærastarfsemi gangandi meðan sjúklingur glímir við sýkinguna.
Hluti af víðtæku öryggiseftirliti
Skjalið sýnir að Pfizer hafði sett upp umfangsmikið eftirlitskerfi þar sem fylgst var sérstaklega með fjölmörgum sjúkdómum og alvarlegum einkennum í tengslum við eftirfylgni bóluefnisins eftir markaðssetningu.
Hugtakið Hantavirus pulmonary infection birtist sem hluti af víðtækum eftirlitslista yfir sjúkdóma og heilsufarsatvik sem fyrirtækið taldi mikilvægt að vakta sérstaklega meðan verið var að safna saman alþjóðlegum öryggisgögnum.
Yfir 42 þúsund tilkynningar í gagnagrunninum
Í skjalinu kemur fram að Pfizer hafi fram til 28. febrúar 2021 tekið saman 42.086 tilkynningar um aukaverkatilvik frá ýmsum löndum heims eftir notkun BNT162b2 bóluefnisins. Samtals voru 158.893 atvik skráð í gagnagrunn fyrirtækisins á því tímabili.
Fram kemur að sérstök áhersla hafi verið lögð á að fylgjast með meðal annars bráðaofnæmi, hjarta- og æðatengdum atvikum, taugaeinkennum, blóðstorkuvandamálum, sjálfsofnæmisviðbrögðum og öndunarfærasjúkdómum á meðan öryggisgögnin voru tekin saman og greind.
Sjá má skjalið hér að neðan.