Rússnesk yfirvöld sem rannsaka hryðjuverkaárásina á Crocus tónleikahöllina í Moskvu telja árásina hafa verið gerða að undirlagi leyniþjónustu Bandaríkjanna (CIA) og leyniþjónustu Bretlands (MI6). Þetta var meðal þess sem fram kom í þættinum Heimsmálin í dag en þar var Bjarni Hauksson samfélagsrýnir gestur Hauks Haukssonar fréttamanns í Moskvu.
Haukur segir að reynt hafi verið af hálfu meginstraumsfjölmiðla að varpa ábyrgðinni á árásinni á ISIS sem ekki sé raunhæft enda séu samtökin aðeins svipur hjá sjón eftir að gengið hafi verið til bols og höfuðs þeim fyrir nokkrum árum síðan.
Erfitt að fremja slíka árás inn í miðri borg nema til að þekkja aðstæður
Bjarni bendir á að til þess að hægt sé að framkvæma árás eins og þá sem gerð var á Crocus höllina sem sé árás á Rússa inni í miðju Rússlandi þá þurfi að afla mikilla upplýsinga áður en hægt er að framkvæma slíka árás. Það sé því ljóst að það er ekki á allra færi að gera slíka árás.
Ekki allt sem sýnist
Í þessu sambandi segir Bjarni það ekki skipta öllu máli hver það er sem togar í gikkinn heldur hver það sé sem geri viðkomandi kleift að gera það. Bjarni segir að þegar hann hafi farið að kafa ofan í málið þá hafi hann meðal annars komist að því að aðili sem hátt settir menn innan Úkraínu hafi talið óvin sinn hafi fallið í þessari árás. Það sem meira er að því hafi verið fagnað að viðkomandi hafi fallið á meðan árásinni var enn ólokið.
Einhverjar leyniþjónustur hafi vitað um atburðarásina fyrirfram
Það er því ljóst að mati Bjarna að til þess að sú vitneskja hafi borist til Úkraínu sé ljóst að einhver hafi veitt þeim þær upplýsingar á meðan árásinni stóð og það sé á fárra færi og því nánast allar líkur á því að leyniþjónustur hafi komið þar að.
Hlusta má á ítarlegri umfjöllun um málið í spilaranum hér að neðan
