Búist er við áframhaldandi viðræðum um myndun nýs meirihluta í borgarstjórn Reykjavíkur á næstu dögum eftir að Sjálfstæðisflokkurinn varð stærsti flokkur borgarinnar í sveitarstjórnarkosningunum um helgina.
Fyrsti formlegi fundurinn
Hildur Björnsdóttir, oddviti flokksins, mun funda með nýkjörnum borgarfulltrúum Sjálfstæðisflokksins í dag. Um er að ræða fyrsta formlega fund hópsins frá kosningunum en flokkurinn bætti við sig þremur borgarfulltrúum og er nú með níu fulltrúa í borgarstjórn. Búist er við því að Hildur muni upplýsa borgarfulltrúana um hvert næsta skref verði í viðræðunum.
Markmiðið að kynna nýjan meirihluta í byrjun júní
Í gær átti Hildur fund með oddvitum Framsóknarflokksins, Miðflokksins og Viðreisnar þar sem rætt var um stöðuna eftir kosningarnar. Fundurinn fór fram í Hannesarholti og stóð yfir í um tvær klukkustundir. Hildur hefur áður sagt að markmiðið sé að nýr meirihluti í Reykjavík verði kynntur í byrjun júní. Hún hefur jafnframt lagt áherslu á að borgin fái starfhæfan og öflugan meirihluta til að leiða næsta kjörtímabil.