António Guterres, aðalritari Sameinuðu þjóðanna, virðist hafa tekið við af leikaranum Christopher Lee í hlutverki Dracula til að hræða áhorfendur og heyrendur. Eftir að vera búinn að hreyta því úr sér að heimurinn sé á hraðferð til helvítis, að fólk stikni í loftslaginu, þá ræðst hann gegn öllu mannkyni í nýrri ræðu og ásakar mannkyn um að hafa „opnað hlið helvítis.“ Guterres er greinilega í góðu sambandi við Kölska, þar sem hann getur séð hvort hlið helvítis er opið eða lokað en slíkt er engum kleift nema hásætispúkum andskotans.
Glóbalistasamtök Sameinuðu þjóðanna gera allt til að standa undir nafninu Sundruðu þjóðirnar. Verður að fara í misgóðan hrollvekjuiðnað til að finna sambærilegar yfirlýsingar til að skjóta fólki skelk í bringu. Munurinn á Guterres og Christopher Lee er sá að sá síðarnefndi olli raunverulegum svitaskjálfta áheyrenda á meðan sá fyrrnefndi er bara orðinn að aðhlátursefni fyrir hallærislega stigmögnun orðafars sem flestir eru hættir að taka mark á. Núna reynir Guterres að herma eftir engli sem ætlar að endurskapa loftslag jarðar og kæla það niður. Rétt eins og Kölski sjálfur, sem sagðist geta gert allt betur en Guð. En þegar kölski hrækti í hafið varð marglytta – en tár af kinn Guðs varð fínasti fiskur.
Frá hraðbraut til helvítis gegnum stiknun til galopins helvítis
Aðalritari Sameinuðu þjóðanna fór með hrollvekjurulluna á fremur hallærislegan hátt, þegar hann sagði:
„Áhersla okkar hér er á loftslagslausnir – og verkefni okkar er brýnt. Mannkynið hefur opnað hlið helvítis. Hinn hræðilegi hiti hefur hræðileg áhrif….þúsundir óttaslegnir flýja á meðan sögulegir eldar geisa…Umskipti frá jarðefnaeldsneyti yfir í endurnýjanlega orkugjafa eru að gerast – en við erum áratugum á eftir.“
Segist geta stjórnað hitastigi jarðar
Og þann tíma sem tapast verður að vinna upp segir Guterres:
„Ef ekkert breytist stefnir í 2,8 stiga hitahækkun – í átt að hættulegum og óstöðugum heimi. En framtíðin er ekki fastlögð. Það er undir leiðtogum eins og ykkur komið að skrifa hana. Við getum samt takmarkað hækkun á hitastigi á jörðinni við 1,5 gráður. Við getum enn byggt upp heim með hreinu lofti, grænum störfum og hreinni orku á viðráðanlegu verði fyrir alla.“
Samkvæmt sérfræðingum er „loftslagskreppan“ blekking til að svipta fólki eignum sínum og frelsi. Það eru engar vísbendingar um að losun koltvísýrings manna stýri hnattrænni hlýnun.
Heyra má jólaboðskap Sundruðu þjóðanna á myndbandinu hér að neðan:
