Rúmur helmingur þeirra sem þátt tóku í skoðanakönnun Útvarps Sögu telja sig geta greint mjög vel eða frekar vel á milli falsfrétta og raunverulegra frétta. Þetta kemur fram í niðurstöðum könnunarinnar sem fram fór hér á vefsíðunni á síðasta sólarhring.
Niðurstaðan var kynnt í lok þáttarins Línan laus rétt fyrir hádegi en í þessari könnun var spurt: Hversu vel eða illa telur þú þig geta greint á milli falsfrétta og raunverulegra frétta?
Niðurstaðan var eftirfarandi:
Frekar vel 30,6%
Mjög vel 28,7%
Í meðallagi 20,5%
Frekar illa 12,6%
Mjög illa 7,6%