Arnþrúður Karlsdóttir ræddi við Kristinn Sigurjónsson, rafmagns- og efnaverkfræðing í síðdegisútvarpinu um loftslagsumræðuna, áhrif koltvísýrings og þær vísindalegu forsendur sem lagðar hafa verið til grundvallar loftslagsaðgerðum síðustu ára. Kristinn hafnaði því að koltvísýringur af mannavöldum væri orsök hlýnunar jarðar og sagði umræðuna hafa þróast í átt að hræðsluáróðri sem hefði haft áhrif á almenning og stjórnvöld. Hlusta má á þáttinn í spilaranum hér að neðan.
Vatnsgufa hefur mest áhrif – fólk með loftlagskvíða
Kristinn sagði að vatnsgufa væri langöflugasta gróðurhúsalofttegund lofthjúpsins og gegndi lykilhlutverki í hitastjórnun jarðar. Hann útskýrði að vatnsgufa gleypi varmaorku og haldi hita inni í lofthjúpnum en taldi áhrif koltvísýrings mun minni en almennt væri haldið fram.
Hlutur koltvísýrings af mannavöldum í andrúmsloftinu væri hins vegar lítill og sagði Kristinn að hann hefði ekki mælanleg áhrif á hitastig jarðar. Arnþrúður nefndi í því samhengi að almenningi hefði árum saman verið sagt að loftslagsvá væri yfirvofandi og tíminn til að bregðast við væri að renna út árið 2030 og sumt ungt fólk væri haldið loftslagskvíða vegna slíkra fullyrðinga.
Sérfræðingar gagnrýna loftslagslíkön
Arnþrúður nefndi bandaríska jarðfræðinginn Gregory Wrightstone, sem hefur gagnrýnt loftslagsnefnd Sameinuðu þjóðanna og sagt að loftslagsumræðan byggist að stórum hluta á svartsýnisspám sem samræmist ekki mælingum og þróun loftslags.
Kristinn sagði að margir sérfræðingar innan raunvísinda efuðust um að gögn sýndu fram á að koltvísýringur stýrði loftslaginu með þeim hætti sem haldið væri fram í opinberri umræðu. Erfitt væri hins vegar fyrir fræðimenn að ganga gegn ríkjandi sjónarmiðum, þar sem stór hluti rannsókna væri fjármagnaður af opinberum sjóðum og stofnunum.
Umræða sem hafi aukið loftslagskvíða meðal ungs fólks
Arnþrúður rifjaði upp að loftslagsumræða hefði harðnað verulega eftir 2018 þegar grunnskólanemar hafi verið hvattir til að skópa í skóla á föstudögum og mótmæla loftlagsbreytingum, fyrir framan Alþingishúsið með mynd af Grétu Tunberg á lofti. Alþjóðleg umræða um yfirvofandi loftslagsvá og hræðsluáróður hafi orðið meira áberandi. Hún nefndi að á þeim tíma hefði ítrekað verið talað um að aðeins væru um 12 ár til stefnu áður en óafturkræfar afleiðingar yrðu af hlýnun jarðar.
Fram kom í þættinum að loftlagsumræðan hafi haft djúp áhrif á marga unga einstaklinga og skapað loftslagskvíða. Dæmi væru um að ungt fólk hefði upplifað ótta við framtíðina og talið að heimsbyggðin stefndi í alvarlega neyð innan fárra ára. Að mati Kristins hefði þessi umræða mótað viðhorf samfélagsins mjög sterkt og gert gagnrýna umræðu um loftslagsmál erfiðari.
Hlusta má á ítarlegri umfjöllun í spilaranum hér að neðan.