Arnþrúður Karlsdóttir og Pétur Gunnlaugsson, ræddu í Fréttum vikunnar, um upplýsingar vegna fyrirhugaðrar þjóðaratkvæðagreiðslu um viðræður við Evrópusambandið, á ný. Arnþrúður sagði að í leiðbeiningum Landskjörstjórnar kæmi fram að ef viðræður leiddu til aðildarsamnings yrði hann borinn undir þjóðina en taldi að Landskjörstjórn hefði ekki vald til að lofa annarri þjóðaratkvæðagreiðslu. Hlusta má á þáttinn í spilaranum hér að neðan.
Loforð um aðra þjóðaratkvæðagreiðslu
Var rætt um upplýsingar Landskjörstjórnar um atkvæðagreiðsluna sem fyrirhugað er að fari fram 29. ágúst. Þar væri kjósendum greint frá því að yrði ákveðið að halda aðildarviðræðum áfram og þær leiddu til samnings yrði niðurstaðan borin undir þjóðina í annarri þjóðaratkvæðagreiðslu.
Orðalagið í spurningu í þjóðaratkvæðagreiðslunni ekki skýr
Gerði Arnþrúður athugasemd við þetta orðalag og sagði það sett fram eins og tryggt væri að þjóðin fengi síðar að greiða atkvæði um aðildarsamning, það væri einfaldlega engin trygging fyrir því. Ef spurningin í þjóðarkvæðagreiðslunni feli í sér að þeir sem segja Já séu að samþykkja áframhaldandi viðræður, með hliðsjón af umsókninni frá 2009 þá væri hægt að túlka það sem samþykki fyrir umsókn um fulla aðild að ESB án fyrirvara. Því væri ekki sjálfgefið að það yrði önnur þjóðaratkvæðagreiðsla og Landskjörstjórn gæti ekki tekið slíka ákvörðun.
Hlutverk Landskjörstjórnar væri að hafa umsjón með framkvæmd kosninga og veita upplýsingar um þær. Stofnunin hefði ekki heimild til að ákveða að efnt yrði til annarrar þjóðaratkvæðagreiðslu eftir að viðræðum við ESB lyki.
Kjósendur þurfa skýrar upplýsingar
Arnþrúður sagði mikilvægt að Landskjörstjórn gætti nákvæmni þegar kjósendum væru veittar upplýsingar. Að hennar sögn mætti ekki setja pólitíska ákvörðun sem enn hefði ekki verið tekin fram sem fyrirfram ákveðna niðurstöðu.
Málið snerist einnig um hvað kjósendur væru í raun að samþykkja í atkvæðagreiðslunni 29. ágúst. Ef kosið væri um að taka aðildarviðræður upp „á ný“ þyrfti að liggja fyrir hvaða umboð gilti um þær og hvaða ferli tæki við að þeim loknum.
Arnþrúður og Pétur sögðu að skýr viljayfirlýsing stjórnmálamanna um síðari kosningu, væri ekki það sama og bindandi ákvörðun Alþingis. Landskjörstjórn gæti upplýst kjósendur um áform stjórnvalda en ekki ábyrgst að önnur þjóðaratkvæðagreiðsla yrði haldin.
Hlusta má á ítarlegri umfjöllun í spilaranum hér að neðan.