Forseti Íslands gerði stór mistök í Landsréttarmálinu með því að leita álits á framkvæmd við skipan dómara í Landsrétt hjá þeim sem bar ábyrgð að hluta á því að ólöglega var skipað í réttinn. Þetta var meðal þess sem fram kom í máli Jóns Þórs Ólafssonar þingmanns Pírata og formanns stjórnskipunar og eftirlitsnefndar í síðdegisútvarpinu í dag en hann var gestur Arnþrúðar Karlsdóttur.
Jón Þór segir að forseti hefði átt að kanna málið enn frekar til þess að koma í veg fyrir þau lögbrot sem framin voru með skipan dómaranna
“ mistök Guðna forseta voru þau að leita ekki álits annara utanaðkomandi og að rannsaka ekkert hvort ráðherra braut lög við skipunina, þess í stað lét hann nægja yfirlýsingu frá skrifstofustjóra Alþingis, aðila sem var helsti aðili og ráðgjafi þingforseta hvernig framkvæmdin átti að fara fram og hvernig formreglurnar væru, síðan kom í ljós að þetta stóðst bara alls ekkert lög, hann sem sé spyr þann aðila sem var þátttakandi í ferlinu um hvort verið væri að brjóta lög, aðila sem svarar þþví neitandi og forseti leggur svo blessun sína yfir það og skrifar undir skipun allra dómarana„,segir Jón.
Hlusta má á umfjöllun um Landréttarmálið í spilaranum hér að neðan