Lögreglan á höfuðborgarsvæðinu rannsakar mannslát sem átti sér stað á Kársnesi í Kópavogi í dag. Að minnsta kosti 1 maður hefur verið handtekinn vegna málsins.
Málið fyrst rannsakað sem líkamsárás
Lögreglu barst tilkynning um alvarlega líkamsárás í heimahúsi í Kópavogi um klukkan 15 í dag. Karlmaður var fluttur á slysadeild í kjölfar árásarinnar. Upphaflega var málið rannsakað sem alvarleg líkamsárás og sagði lögregla þá rannsóknina vera á algjöru frumstigi. Síðar kom í ljós að málið væri rannsakað sem manndráp.
Samkvæmt upplýsingum lögreglu liggja ekki fyrir frekari upplýsingar um tildrög málsins eða tengsl þeirra sem komu að því að svo stöddu.