Hinn goðsagnakenndi forsætisráðherra Bretlands, Margaret „Járnfrúin“ Thatcher, skildi að það var eitthvað bogið við þessa svo kallaða loftslagskreppu. Thatcher varaði við því, að loftslagskreppan gæti verið notuð til að reyna að koma á sósíalisma út um allan heim.
Í seinni tíð hafa margir varað við því að svokölluð loftslagskreppa sé í raun dulbúinn sósíalismi eða kommúnismi. Margaret Thatcher, fyrrverandi forsætisráðherra Bretlands, sá það fyrir fyrir löngu síðan. Í tíu ára gamalli grein á heimasíðu BBC má lesa, að Tatcher hafði miklar tilfinningar fyrir umhverfinu. Segir að áratugurinn hafi einkennst af „blandaðri fjölmiðlaumfjöllun um súrt regn, loftslag, úrgang og eyðileggingu regnskóga.“ Thatcher er sögð hafa skipt um skoðun og „óttast að loftslagið væri farartæki vinstri manna.“
Tilraun til að koma á yfirþjóðlegum sósíalisma í öllum heiminum
Seint á níunda áratugnum er ríkisstjórn hennar sögð hafa stöðvað móðursýkislega tillögu um að draga úr losun koltvísýrings um 20% fyrir árið 2005. Í staðinn var áhersla lögð á risamikla vegaframkvæmd og „bílabúskap.“ Í bók sinni „Statecraft,“ sem kom út 2002, lýsti hún efasemdum um „viðvörun“ loftslagsnefndar Sameinuðu þjóðanna IPCC, sem er sláandi, þar sem hún sjálf tók þátt í því að búa til nefndina árið 1988. Samkvæmt Reuters varaði Margaret Thatcher við alþjóðlegu starfi gegn loftslagsbreytingum í bókinni:
„Nýja kenningin um loftslagsbreytingar hefur heltekið valdastéttirnar vinstra megin við miðju. Loftslagsbreytingar veita frábæra afsökun til að koma á alþjóðlegum, yfirþjóðlegum sósíalisma. Uppáhaldsefni dómsdagsspámanna í dag er loftslagsbreytingar.“
Brenglun vísinda notuð til að dulbúa sósíalíska stefnuskrá
Jafnvel The Guardian vakti athygli á gagnrýni Thatcher á loftslagsmóðursýkina. Blaðið skrifar að hún hafi sagt skýrslu IPCC frá 2001 vera hræðsluáróður. The Telegraph skrifaði um tortryggni hennar í loftslagsmálum undir fyrirsögninni „Var Margaret Thatcher fyrsti véfengjandi loftslagsbreytinga?“ The Telegraph skrifar:
„Hún hæddist að Al Gore og tilgangsleysi „dýrra og efnahagslega skaðlegra“ kerfa til að draga úr losun koltvísýrings. Hún sagði að 2,5 gráðu hækkun hitastigs á miðalda hlýindatímabilinu hefði nær eingöngu haft jákvæð áhrif. Hún benti á að hætturnar af kaldari heimi séu mun verri en CO2 ríkari heimur sem fer hlýnandi.. Hún gerði sér grein fyrir því, hvernig brenglun vísinda hafði verið notuð til að dulbúa andkapítalíska, vinstrisinnaða pólitíska stefnuskrá sem ógnaði mannlegri framþróun og velmegun.“
Vinstri menn blekktu Thatcher í upphafi
En sú staðreynd, að Thatcher var einn af fyrstu og mest áberandi efasemdamönnum um loftslagsmál, er nánast alveg horfin úr meðvitund fólks í dag, segir blaðið. Þetta hefur verið „grafið og falið.“ Í dag segja sérfræðingar að loftslagsmálin séu fullkomin blekking og koltvísýringslosun ýti ekki undir hlýnun. Á samfélagsmiðlum hafa margir uppgötvað gagnrýni Margaret Thatcher. Til dæmis skrifar Kate Cox á X:
„Thatcher sá þetta gerast. Henni var annt um náttúruvernd, treysti vísindamönnum sem sögðu henni að pólarnir væru að bráðna og lagði þyngd á bak við grænu hreyfinguna. Þá áttaði hún sig á því, hvernig vinstri menn höfðu notað hana til að koma markmiðum sínum á framfæri.“