Menntaskólinn í Reykjavík fagnar 180 ára afmæli sínu með hátíðarathöfn við aðalinngang skólans á morgun, fimmtudag, klukkan 13. Við athöfnina verður jafnframt undirrituð viljayfirlýsing um endurbætur á hinu fornfræga húsi Casa Christi með það að markmiði að þar geti kennsla hafist að nýju haustið 2030.
Forseti Íslands, mennta- og barnamálaráðherra, rektor MR, Guðni Th. Jóhannesson og nemendur skólans verða með framsögu við athöfnina.
Casa Christi endurbætt
Mennta- og barnamálaráðherra og rektor MR munu við athöfnina undirrita viljayfirlýsingu um endurbætur á Casa Christi.
Stefnt er að því að gera húsið aftur hæft til kennslu og taka það í notkun haustið 2030.
Casa Christi er eitt af sögufrægum húsum Menntaskólans í Reykjavík og fyrirhugaðar framkvæmdir tengjast þannig bæði framtíðarstarfi skólans og varðveislu húsnæðis hans.
Hátíðarathöfnin hefst við aðalinngang Menntaskólans í Reykjavík klukkan 13 á morgun.