Óvenju mörg krabbameinstilfelli hafa komið upp eftir að bólusetningarherferðir gegn Covid hófust. Þetta var meðal þess sem fram kom í máli Guðmundar Karls Snæbjörnssonar sérfræðings í heimilislækningum í síðdegisútvarpinu í dag en hann var gestur Arnþrúðar Karlsdóttur.
Í þættinum var farið yfir stöðuna bæði hér heima og erlendis en erlendis er það helst að frétta frá Bandaríkjunum að Joe Biden forseti Bandaríkjanna hefur lýst því formlega yfir að faraldrinum sé lokið. Hér á landi hins vegar kveður við annan tón. Því að að undanförnu hafa farið fram bólusetningar með fimmtu sprautunni sem fólki hafi verið sagt upphaflega að ætti aðeins að vera ein. Auk þess sem fólki hafi verið sagt að sú sprauta hafi átt að koma í veg fyrir smit en annað hafi komið á daginn eins og greint hafi verið frá.
Guðmundur segir sérkennilegt að hér sé enn verið að ráðast í slíkar bólusetningar og bendir á að samkvæmt vísindalegum athugunum sé orðið löngu ljóst að þær verndi engan gegn smitum, heldur auki á tíðni smita og hafi eingöngu neikvæðar afleiðingar.
„svo mér er það algjörlega óskiljanlegt hvers vegna verið sé að bólusetja ennþá nema þá að markmiðið sé það sem þú spurðir um áðan hvort tilgangurinn sé að fækka fólki“segir Guðmundur.
Guðmundur segir að fyrir utan þær alvarlegu aukaverkanir sem rætt hafi verið um sér í lagi erlendis þá séu að koma fram upplýsingar um að óvenju mörg krabbameinstilfelli sem séu að greinast eftir að bólusetningarherferðirnar hófust.
Hann segir tilfellin bæði vera koma upp hjá einstaklingum sem höfðu verið með krabbamein og talið væri að væru komnir í bata og hafi verið í svokölluðu fimm ára eftirliti. Þar hafi krabbameinstilfelli verið að taka sig upp að nýju og þá séu að koma upp ný tilfelli sem hafi verið kölluð turbo cancer. Þau gangi undir því heiti þar sem þau tilfelli eru svo hraðvaxta krabbamein að þau eru komin á fjórða stig á mjög skömmum tíma og ekki reynist unnt að bjarga þeim sem greinast með þau.
„menn hafa aldrei séð svona mikla aukningu og ég myndi krossa mig í bak og fyrir ef það yrði ekki meira en 50% aukning miðað við það sem við erum að sjá núna hjá kollegum mínum erlendis“segir Guðmundur.
Hann segir að tölur þar sem andlát hafi verið sögð vera vegna Covid gefa ranga mynd af því sem raunverulega sé að gerast. Hann bendir á að í stórum samfélögum hafi andlátin orðið flest á meðal þeirra heilbrigðu einstaklinga sem eru á aldrinum 0-40 ára, einstaklingum sem Covid hefur engin áhrif á frekar en venjuleg flensa. Það sem hópurinn hafi hins vegar sameiginlegt er að þetta voru bólusettir einstaklingar. Fólk sé þannig blekkt að umframdauðsföll megi rekja til Covid.
Hlusta má á nánari greiningu Guðmundar á málinu í þættinum hér að neðan.
