Öldungadeildarþingmaður repúblikana, Josh Hawley, veittist hart að aðstoðarforstjóra FBI, Paul Abbate, í yfirheyrslu Bandaríkjaþings varðandi gögn um meintar mútur úkraínska orkufyrirtækisins Burisma til Joe og Hunter Biden (sjá myndband að neðan).
Fékk hvor um sig greiddar 5 milljónir dollara fyrir að koma ríkissaksóknara Úkraínu burtu úr embætti, þegar hann var að rannsaka fjármálaspillingu fyrirtækisins. Hunter Biden fór í stjórn fyrirtækisins og Joe Biden beitti Úkraínustjórn fjárkúgun og gaf þeim 6 tíma frest til að reka ríkissaksóknarann úr embætti (sjá myndband að neðan). Neitaði hann að afgreiða lán til Úkraínu nema að Úkraínustjórn ræki saksóknarann. Það var gert innan sex tíma.
Útvarp Saga greindi frá því, að öldungadeildarþingmaðurinn Chuck Grassley afhjúpaði upplýsingar um 17 hljóðbönd, sem FBI vissi um en þagði yfir. Skjölin voru ekki leynistimpluð og Grassley tók þá ákvörðun að segja frá þeim og hefur það vakið mikla hneykslun, að FBI sé að hylma yfir með glæpum forsetans.
Eins og sjá má að neðan gekk Josh Hawley hreint til verks og krafðist svara af yfirmanni FBI sem átti í miklum erfiðleikum með að gefa greinargóð svör. En hann neyddist til að viðurkenna tilvist skjalanna, sem FBI hafði áður neitað að væru til.
