Rafmagnslaust varð í Eyjafirði um stund þegar rafmagn fór af rétt um klukkan hálf fjögur í nótt.
Rafmagnslaust var í um tíu mínútur og virðist rafmagnsleysið hafa verið nokkuð víðtækt. Ekki náðist í fulltrúa Norðurorku. Þá náðist heldur ekki í fulltrúa Landsnets og því liggja ekki upplýsingar fyrir um hvað það var sem olli rafmagnsleysinu.
Stutt er síðan rafmagnslaust varð í öllum Eyjafirði en þá varð svokölluð teinahreinsun í tengivirki sem varð til þess að rafmagnið fór af.