Lögreglan á Norðurlandi eystra rannsakar andlát konu sem lést á Akureyri í nótt. Lögreglan fékk tilkynningu rátt um hálf fimm um að konan væri meðvitundarlaus í íbúð í fjölbýlishúsi í bænum og hófu viðbragðsaðilar þegar lífgunartilraunir þegar þeir mættu staðinn.
Lífgunartilraunir báru ekki árangur og var konan úrskurðuð látin skömmu síðar. Grunur leikur á að andlát hennar hafi borið að með saknæmum hætti og var einstaklingur sem einnig var staddur í íbúðinni handtekinn í þágu rannsóknar málsins. Ekki eru gefnar frekari upplýsingar að svo stöddu.
