Komið hefur í ljós að umsókn ríkisstjórnar Jóhönnu og Steingríms sótti um fulla aðild fyrir Íslands hönd að ESB á árinu 2009. Því hefur verið haldið fram að umsókin hefði verið til þess eins að Íslendingar fengju að ” kíkja í pakkann” eins og það hefur ávallt verið kallað. Hafa menn því verið í þeirri trú núna um að hægt væri að skoða pakkann eins og áður. Hefur utanríkisráðherra gjarnan haldið þessu fram og því var spurningin í fyrirhugaðri þjóðaratkvæðagreiðslu þess efnis að fara í áframhaldandi viðræður við Evrópusambandið. Almennt hefur fólk skilið umsóknina frá 2009 sem svo að hún hefði ekki haft fullt vægi en mynd af frumskjalinu sýnir og sannar annað. Sjá má skjalið neðst í fréttinni og einnig íslenska þýðingu.
Þetta kemur fram í færslu sem Diljá Mist Einarsdóttir þingmaður Sjálfstæðisflokksins birti í dag á Facebooksíðu sinni, samhliða umræðum á Alþingi um tillögu utanríkisráðherra um þjóðaratkvæðagreiðslu vegna áframhaldandi viðræðna við Evrópusambandið.
Diljá Mist segir umsóknarskjal Íslands um aðild að Evrópusambandinu frá árinu 2009 sýna skýrt að ekki sé hægt að skilja á milli aðildarviðræðna og stefnu um fulla aðild að sambandinu.
Viðræður og aðild ekki aðskildir hlutir
Diljá Mist ásamt fjölda annara þingmanna, hefur gagnrýnt þann málflutning að hægt sé að fara í áframhaldandi aðildarviðræður við ESB eingöngu til að „sjá hvað sé í boði“ fyrir Ísland án þess að um leið sé stefnt að aðild.
Í færslunni birtir hún umsóknarbréf íslenskra stjórnvalda til Evrópusambandsins frá 16. júlí 2009 þar sem sérstaklega kemur fram að Ísland sæki um aðild að sambandinu á grundvelli 49. greinar sáttmála ESB. Bréfið var undirritað af Jóhönnu Sigurðardóttur forsætisráðherra og Össuri Skarphéðinssyni utanríkisráðherra.
Segir öll ríki hafa sótt um aðild
Diljá Mist segir að ekkert ríki sæki um aðildarviðræður við Evrópusambandið án þess að stefna að fullri aðild. Öll ríki sem hafi sótt um aðild að ESB síðustu áratugi hafi gert það með það að markmiði að verða aðildarríki sambandsins.
Að hennar mati afsannar umsóknarskjalið því þann málflutning núverandi ríkisstjórnar að hægt sé að fara í þjóðaratkvæðagreiðslu um áframhaldandi viðræður án þess að þar með sé tekin pólitísk stefna í átt að aðild Íslands að Evrópusambandinu.
Frumskjalið má sjá hér að neðan:
Íslensk þýðing skjalsins hér að neðan: