Árni Páll Árnason fyrrverandi formaður Samfylkingarinnar segir Samfylkinguna enn styðja aðild að Evrópusambandinu og að aðild sé skynsamlegur kostur fyrir Ísland. Árni sem var gestur Arnþrúðar Karlsdóttur og Péturs Gunnlaugssonar í síðdegisútvarpinu í dag segir ástæðuna fyrir þeirri afstöðu vera þá að samfylkingarmenn sjái skýr rök fyrir því að Ísland ætti að ganga í sambandið „ við viljum að þjóðin ákveði hvort við tökum upp þráðinn að nýju í aðildarsamningaviðræðum og þar af leiðandi verði framhaldið í höndum þjóðarinnar, við sjáum skýr rök fyrir því að stíga þetta skref og að það geti orðið þjóðinni til góðs og það er ástæðan fyrir okkar afstöðu„,segir Árni.