Bandaríska Alríkislögreglan FBI vildi fá Birgittu Jónsdóttur framselda til Bandaríkjanna á þeim tíma sem Birgitta starfaði með Wikileaks. Þetta var meðal þess sem fram kom í máli Sigurlaugar Ragnarsdóttur blaðamanns og listfræðings í síðdegisútvarpinu í dag en hún var gestur Arnþrúðar Karlsdóttur.
Sigurlaug sem á sínum tíma var einn af stofnendum Borgarahreyfingarinnar og umgekkst Birgittu mikið á þeim tíma segir hafa varað Birgittu við því að vera í samskiptum við Wikileaks, sem stofnað var af George Soros og varaði hana einnig við því að vera í samskiptum við Julian Assange.
Sigurlaug segir að það hafi ekki verið neitt leyndarmál að Assange og Birgitta hafi verið í sambandi en Sigurlaug hefði talið samskiptin skaðleg fyrir Birgittu og segir að það sem Julian og Wikileaks væru að aðhafast væri beinlínis hættulegt fyrir hana, enda hafi endað með því að húsleit hafi verið gerð á heimili Birgittu vegna þessara tengsla. Þá bendir Sigurlaug á að Birgitta hafi verið hleruð af hálfu Wikileaks
Þegar Sigurlaug var kynnt fyrir Wikileaks og vinnu þeirra hafi runnið á hana tvær grímur og hún hafi haft ákveðnar efasemdir
“ það var þarna búið að útbúa húsnæði, allt með nýjum borðum, stólum og tölvum og mér fannst þetta mjög dularfullt og velti fyrir mér hver væri að borga fyrir þetta?„
Hlusta má á þáttinn í spilaranum hér að neðan
