Fyrstu tölur úr sveitarstjórnarkosningunum í Reykjavík sýna að Sjálfstæðisflokkurinn er stærstur með 31,4% atkvæða samkvæmt nýjustu talningu. Flokkurinn hefur fengið 13.891 atkvæði samkvæmt þeim tölum sem nú liggja fyrir.
Samfylkingin kemur næst með 18,2% og 8.080 atkvæði. Miðflokkurinn mælist með 12,9% og hefur fengið 5.701 atkvæði.
Viðreisn fær 9,9% samkvæmt nýju tölunum og hefur fengið 4.395 atkvæði. Vinstrið mælist með 9,3% og 4.100 atkvæði.
Framsókn undir 7%
Framsóknarflokkurinn fær 6,7% samkvæmt nýju tölunum og hefur fengið 2.983 atkvæði. Sósíalistaflokkurinn mælist með 4,0% og 1.777 atkvæði.
Flokkur fólksins fær 3,2% samkvæmt talningunni en Píratar mælast með 1,8%. Góðan Dag fær 0,5% og Okkar Borg mælist með 0,4%.
Yfir 44 þúsund atkvæði talin
Samkvæmt upplýsingum á skjánum hafa 44.300 atkvæði verið talin þegar þessar tölur voru birtar. Á kjörskrá í Reykjavík eru 108.545 einstaklingar.
Fleiri tölur eiga eftir að berast síðar í kvöld og geta niðurstöðurnar því tekið breytingum eftir því sem talningu vindur áfram.