Sjálfstæðisflokkurinn mælist stærsti flokkurinn í Reykjavík samkvæmt nýjum þjóðarpúlsi Gallup og núverandi meirihluti fallinn samkvæmt niðurstöðunum. MBL greinir frá þessu.
Sjálfstæðisflokkur með tæp 28% fylgi
Samkvæmt könnuninni myndu tæplega 28% kjósa Sjálfstæðisflokkinn ef gengið yrði til borgarstjórnarkosninga í dag. Samfylkingin mælist næst með 23% fylgi og Vinstrið, nýtt sameiginlegt framboð Vinstri grænna og Vors, fær 13%.
Miðflokkur og Viðreisn sækja í sig veðrið
Miðflokkurinn mælist með nær 11% fylgi og Viðreisn um 10%, sem er veruleg aukning frá borgarstjórnarkosningunum 2022 þegar fylgi flokkanna var 2,4% annars vegar og 5,2% hins vegar.
Framsókn tapar miklu fylgi
Framsóknarflokkurinn mælist með tæp 4% fylgi samanborið við ríflega 18% í síðustu kosningum og er samdrátturinn því umtalsverður.
Fylgi þriggja flokka dregst saman
Flokkur fólksins mælist með tæplega 4% fylgi, Píratar með 3,5% og Sósíalistaflokkur Íslands með 2,5%, sem er lægra en í síðustu borgarstjórnarkosningum.
Óákveðnir kjósendur margir
Um 8% segjast myndu skila auðu eða ekki kjósa á meðan 18% taka ekki afstöðu eða vilja ekki gefa hana upp.