Arnþrúður Karlsdóttir ræddi við Guðmund Ólafsson, hagfræðing, í síðdegisútvarpinu um skuldastöðu Evrópuríkja og hvaða áhrif hún gæti haft á Ísland ef landið gengi í Evrópusambandið. Guðmundur taldi að vaxandi skuldir margra aðildarríkja og hugmyndir um aukna samábyrgð gætu skapað nýjar fjárhagslegar skuldbindingar fyrir Ísland, en jafnframt var farið yfir hvaða áhrif gjaldmiðilsval og peningastefna hefðu á stöðu landsins. Hlusta má á þáttinn í spilaranum hér að neðan.
Skuldastaða margra ríkja vekur áhyggjur
Guðmundur vísaði til þess að fjöldi ríkja væri kominn langt yfir þau skuldaviðmið sem sambandið hefði sjálft sett og nefndi Grikkland, Ítalíu, Frakkland og Belgíu sem dæmi. Arnþrúður benti á spár um áframhaldandi skuldavöxt á næstu árum og ræddi hvort sú þróun gæti aukið þrýsting á sameiginlegar lausnir innan Evrópusambandsins.
Sameiginlegir sjóðir gætu breytt ábyrgð ríkjanna
Á meðal þeirra álitaefna sem rædd voru, var hvort fjárhagsvandi einstakra ríkja gæti í auknum mæli orðið sameiginlegt verkefni aðildarríkjanna. Guðmundur nefndi hugmyndir um sameiginlega ábyrgð á meðal annars lífeyrisskuldbindingum en Arnþrúður spurði hvort Ísland gæti með aðild að ESB orðið þátttakandi í slíkum skuldbindingum. Arnþrúður sagði íslenska lífeyriskerfið væri eignasafn og stæði einstaklega vel og gæti starfað innan ESB tæknilega séð en hættan væri sú að reglum Evrópusambandsins yrði breytt eftir að Ísland gerðist meðlimur að ESB.
Gjaldmiðillinn skiptir máli
Arnþrúður benti á að verulegur munur væri á því hvort aðild að Evrópusambandinu væri jafnframt með upptöku evru eða áframhaldandi notkun íslensku krónunnar. Fari Ísland inn með evru flytjist stjórn peningamálanna til Seðlabanka Evrópu en með krónunni verði sú ábyrgð áfram hjá Seðlabanka Íslands. Guðmundur taldi að sá munur skipti miklu við mat á efnahagslegum áhrifum aðildar og að umræðan um Evrópusambandið yrði ekki metin án þess að taka bæði mið af skuldastöðu aðildarríkja og framtíðarfyrirkomulagi peningamála.
Hlusta má á ítarlegri umfjöllun í spilaranum hér að neðan.