Gallup birtir reglulega niðurstöður skoðunarkönnunar sem þeir framkvæma um fylgi við frambjóðendur til embættis forseta Íslands. Fólk verður að taka þessum niðurstöðum með fyrirvara vegna hagsmunatengsla Katrínar Jakobsdóttur við stjórnarformann Gallup. Fyrirtæki stjórnarformannsins Aton JL starfar í nánum tengslum við kosningateymi Katrínar eins og Heimildin.is og DV.is hafa sagt frá. Skoðanakannanir eru afar skoðanamyndandi og því er þetta ekki hafið yfir vafa um réttar niðurstöður skoðanakannanna frá Gallup. Þetta var meðal þess sem fram kom í máli Þorvaldar Logasonar heimspekings í þætti Arnþrúðar Karlsdóttur er þau ræddu um spillingu í þjóðfélaginu.
Þorvaldur segir að um augljósa hagsmunaárekstra sé að ræða en hann segist þó ekki vilja fullyrða hvort um spillingu sé að ræða fyrr en hægt sé að segja til um aðferðarfræðina og hvernig Gallup kemst að þeirri niðurstöðu að Katrín njóti þess mikla fylgis sem hún sé sögð hafa samkvömt könnunum.
Kjósendur blekktir
Þorvaldur segir að það sé ákveðinn áróður í gangi sem sé settur fram þannig að talað sé um vinsældir ákveðinna frambjóðenda á meðan aðrir fá nánast enga umfjöllun um sig og sitt framboð. Þannig sé höfð ákveðin áhrif á kjósendur sem oft átta sig ekki á að í raun sé verið að blekkja þá.
Katrín þarf að gefa þjóðinni skýringar
Þá segir Þorvaldur að það veki athygli að undanförnu að þar sem rætt hefur verið við nokkra frambjóðendur saman í fjölmiðlum þá hafi Katrín ekki verið með og segir Þorvaldur að það megi geta sér til um það að það sé gert svo hún þurfi ekki að svara áleitnum spurningum. Í þættinum kom fram að Katrín hafi aldrei til að mynda útskýrt sendiherrahlutverk sitt hjá WHO sem og veru sína í World Ecconomic Forum og hvaða tilgangi hún þjónar þar.
Getur ekki orðið öryggisventill þjóðarinnar
Hvað forsetaframboð Katrínar varðar gagnvart ríkisstjórninni segir Þorvaldur alveg ljóst að það stappi nærri spillingu. Hún hafi í raun sett allt í uppnám með því að yfirgefa ríkisstjórnina og nú sé staðan sú að ef hún verði forseti geti hún aldrei orðið sá öryggisventill sem þarf að vera á Bessastöðum gagnvart ákvörðunum ríkisstjórnarinnar.
Hlusta má á nánari umfjöllun í spilaranum hér að neðan
